【女權勿入】女性po性感selfie上網,原來唔關「父權社會」事!
Sep 1, 2018 · 2 min read
時下女生鍾意po坦胸露臂既性感自拍照/短片上social media。女權份子會話,係因為人類社會仍然由男性主導,社會地位較低既女性為左討好地位較高既男性而做出「物化女姓」既行為。但根據澳洲新南威爾斯大學(the University of New South Wales)一項最新研究,發現女性上傳性感自拍照上社交平台,與地位低落沒有太大關係,反而同「社會貧富不均」有關。
Dr. Khandis Blake團隊分析左來自113個國家、數以十萬張,係各大社交平台被標籤為「性感」、「火辣」既相片,發現性感自拍照的數量,與父權壓逼(patriarchal pressures)無太大關系,反而當地貧富不均的程度十分相關。
研究人員發現,呢種「性別化的行為」,係源於社會貧富差距。呢個差距令女性對自己身處邊個社會階層更加敏感,令佢地更加想係社會階梯往上爬。同時,亦燃起女性「競爭心理」,佢地會更加願意付出時間同精力,去post呢類性感自拍照上網,希望以外表/身體優勢,與其他人較勁。
Dr. Blake同時指出,無論呢種風氣是否正確,擁有「性感外貌」,確實係許多方面(例如經濟、社會以及個人層面)都可以獲得較佳待遇。

