【投胎界KOL】劉鳴煒,原來都有輸既時候!
Sep 6, 2018 · 2 min read

富豪劉鑾鴻長子劉鳴煒,日前又走出黎分享理財之道(註)。佢話十歲生日收到爸爸大劉贈送十萬蚊現金作為生日禮物。因佢深明「應使得使、應慳得慳」,所以原封不動存入銀行。
劉鳴煒收到十萬那一年,係1990年:
那一年,財經演員曾淵滄以120萬,買入藍田滙景花園780呎單位。
那一年,太古城海景高層1,114呎,賣230萬。
當年既10萬,大約等同而家100萬左右。對於一個十歲細路仔黎講,絕對係天文數字(亦只係一個數字,因為佢本身衣食無憂,物質不缺,唔會有機會拎黎用)。只不過,一個窮人永遠唔會察覺自己窮。直至佢同有錢人比較,先知真相。

