【窮人恩物,上車要快】愉景灣新盤,最細單位90尺。
Sep 4, 2018 · 2 min read

按仲量聯行《住宅銷售市場》報告,香港興業(480)於愉景灣1a/1b區新發展項目,其最細單位既實用面積將會低於90平方呎。如無意外,會刷新「納米樓」面積紀錄新低。
呢個新盤,比起之前位於屯門菁雋既128尺「龍床盤」,仲要細25%。香港人,距離坐係馬桶度食飯、上網、睇電視又邁進一步!
p.s. 圖則就顯示呢堆90尺單位毗鄰幾千尺大單位。所以,發展商「好似」「估計」「應該」包裝成有錢佬買黎當工人房、狗屋、雜物房…。
之但係以香港現實環境,我敢寫包單,到時一定係當劏房租/賣畀人,而尺租仲要貴過豪宅。
p.p.s. 按慣例,新盤尺價閒閒地二至三萬起。而家拎住三十萬首期就畀你上車,發展商而家大發善心,直頭係窮人恩物(好似係)啦!
p.p.p.s. 話分兩頭,呢期咪有唔少高官權貴,呼籲本地年輕人返大灣區居住,每日坐高鐵來回香港工作。對於呢d言論,香港興業既老細查懋成有咁既回應:
「風涼話邊個唔識講? 講呢番說話的人一定唔係第一個搬上去的人。」
我都唔知應該當查生有良心,講真話;定應該當佢有hidden agenda,暗地hard sell佢旗下呢個唔係人住既90尺新盤好喇。
#樓市速遞 #日日有樓睇 #繼續每日輸入150單程證 #迫爆香港
(2018–8–31)
傳送門:西米Go昔日文章
