【開學了】又係一車車細路畀父母糟質既時候!
Sep 8, 2018 · 2 min read

九月開學,朝早見到一車車細路目無表情咁返學。諗起早前報載,有個六歲男童被母親發現在家偷錢、意圖撬門離家出走,帶往心理學家診症,卻發現另有故事:
原來呢個問題兒童曾謊稱完成暑期作業,遭母親發現。其母決定購入多本暑期作業,要男童一併完成以作懲罰;
母親亦曾以激將法,購買男童期待已久的機械人玩具,並當面贈予鄰家小童,以懲罰兒子其中一科成績唔及格。
自此男童對母親心生恨意,又撬門、又拆窗花,千方百計想離家出走。更明言「憎死」媽媽。其母卻堅持「由出世開始就要競爭」,唔認為自己育兒方法有問題,之後亦無再畀心理學家繼續跟進。
即係咁,呢位怪獸媽媽如果呢期有睇開港女最愛既宮廷劇〈延禧攻略〉,應該清楚偏執既人,要報仇真係十年未晚。呢個男童六歲已經識得如此反應(仲要唔係受朋輩/損友影響),繼續落去,心理只會越黎越扭…

