睇完我篇文，話唔定可以省左好多時間呢。
隨著坐飛機開始普及化，加上中東三寶（Emirates, Qatar and Etihad）價格戰白熱化，拉動左其他航空公司價格上更親民，家陣香港人去歐洲來回經濟艙轉機價錢可以低至3000元左右，有時撞正 Promo 都有機會坐到5000蚊內嘅直航。
歐洲第一站，可能好多人會選擇英國，主因英國大多數地方使用全英文，容易相對溝通，二來真係好多朋友喺英國，去旅行不特止仲探埋朋友，所以旅客量都幾大，單單來回倫敦直航一日可達到9班機，未計其他轉機方案。
可是，可望一望飛倫敦嘅選擇，大多時都係希斯路機場（LHR, London Heathrow）或格域機場（LGW, London Gatwick），當然仲有倫敦城市機場（LCY, London City Airport），但大多數第一次都係前兩者，我就跟大家講下兩家航空公司利弊。
希斯路機場就喺倫敦的西面，距離市中心大約25公里，處於倫敦地鐵嘅 Zone 6 位置，因為交通方便，加上航線眾多，令至佢成為大家常見嘅選擇之一。
格域機場位於倫敦南面，Brighton同 London 中間左右位置，距離市中心大約37公里，英國第二繁忙機場，而且唔少廉航都會由格域出發（更多嘅係 Atansted Airport 同 Luton Airport），所以格域機場優勢絕不下於希斯路機場。
交通對比
希斯路機場如果出倫敦市中心可以選擇 Heathrow Express，只需要15分鐘左右就到達 Paddington 站，但價錢較貴，平日價錢達到22.5鎊，不時都會有優惠平至幾鎊。
另外仲有 TLF Rail，10鎊左右就可以30分鐘到達 Paddington 站，有時呢15分鐘嘅價錢就已經相差10鎊，而且未來 2019 年將會成為 Elizabeth line ，姐係 CrossRail，未來只需要一程車就可以去到 Soho 同埋金絲雀碼頭 Canary Wharf。
此外經濟選擇有 National Bus 去到 Victoria Bus Station，價錢應該係幾鎊內嘅事，但需要約60－90分鐘時間。
唔介意有一半時間收唔到電話訊號，同埋唔趕時間可以選擇倫敦地鐵，Peak Hour 大約9.5鎊，而 Off Peak Hour 就
唔坐可交通工具可以選擇 Call Uber X，而出Zone1市區大約40鎊。
格域機場相對遠D，而且無地鐵直通，但如果你住喺東倫敦嘅地方，其實格域機場去東倫敦時間係快過由希斯路機場出發。