Ги запознавме The DD’s

Zapoznaj Gi Skopjani
Nov 2 · 6 min read

Скопско дуо кое сака поразиграно Скопје

Расположени сте за малку диско-фанк ритам, со примеси на new wave? Ви ги претставуваме The DD’s, двајца дечки кои внесуваат енергичност и ведрина во монотоното секојдневие.

Кои се The DD’s, што ве мотивираше да почнете да го правите ова?

Добре: The DD’s се двајца пријатели со многу сличен вкус за музика кој се градел под инфлуенс на GTA Vice City. Кога и да излагавме си ги пуштавме песните и уживавме. Плус родителите слушаа нешто слично, па и они ни влијаеја (браво и фала до мама и тато!). Во периодот кога почнувавме, немаше диско низ градот, или беше фанк — фанк или техно, транс… Немаше нешто од тоа што ние го пуштаме. Имавме приметено дека на било какви собиранки со друштво, секогаш ние бевме дџ-и и сите многу добро ја прифаќаа музиката што им ја сервиравме, имавме добар фидбек. Така некако се роди мотивацијата за нешто ново. Нешто што ќе те натера да кренеш раце во вис и да денсаш. На почетокот требаше да бидеме бенд, ама на крај станавме дџ-и.

Како почнавте? Кој беше пресудниот момент, за ова што сте денес?

Добре: Замислата ни беше јас да свирам бас гитара, а Давид бубњеви и да најдеме некој на синтисајзер да лупа. Дури и електрична гитара сакавме да имаме, ама тоа рековме отом потом. Со нашето дотогашно познавање на музика, мислевме дека тоа е се што ни треба. И ајде тргаме да правиме бенд и сфаќаме дека не поседуваме ни бас гитара, ни бубњеви, а уште помалку па skills за тоа. Само желбата за бенд постоеше. Тој период сеуште бевме студенти и имавме некои други приоритети со финансиите, некако не ни се даваа пари за инструменти, не го гледавме тоа баш на long run. Така, спонтано, падна договор за пуштање музика.

Давид: Многу добро се сеќавам на пресудната вечер, седиме пиеме три литарка, слушаме GTA Vice City нормално и викаме абе зошто не почнеме да ги пуштаме песниве, рандом на еден лаптоп двајцата. Тој период се отвори Studio Pub, разговаравме со газдата и падна договор за настап. Сите што ги знаеме ги викнавме, од секаде: организации, средно, факултет, значи сите сите… Немавме од опрема ништо, еден лаптоп и маус, социјалка, толку. И доаѓа судната вечер… Studio pub крцаше, преполно. Некаде околу 23ч доаѓа газдата и ни вика дека снемало пиење, не знае што да прави! Хахах.. Тотално неочекувано. Супер беше вајбот цела вечер и добар фидбек добивме. Така со текот на времето почнавме да собираме опрема и да се развиваме повеќе.

Како се одлучивте за името?

Добре: Имаше разни идеи, тогаш зборевме многу за Skopje Remix па го поврзувавме името со тоа нешто да биде. Не знам искрено кој го даде предлогот за DD’s ама фино ни звучеше. У принцип тоа се првите букви од нашите имиња. На почетокот бевме DD’s sensation, затоа што сакавме целата сензација да ја пренесеме со пуштањето музика. Дури носевме афро перики и наочари со ѕвездички. Баш сакавме да го вратиме во мода диско ритамот. Уште имаме желба да напраиме еден вид “едукација” односно fun facts за диско ерата да идат дур ние пуштаме музика. Се надеваме дека ќе го оствариме.

Колку Добре и Давид биле музикални пред The DD’s?

Добре: Во средношколските денови, бев вокал во бенд со кој снимивме три песни, нешто алтернативен рок. Дури и се такмичевме на Демофест и освоивме второ место. После бев и со извидници у еден тезга бенд. Секогаш сум се интересирал за музика, сум пеел и по хорови уште во основно. Музиката била дел од моето растење и развиток.

Давид: Воопшто не се бавев со музика, ама од секогаш била дел од мене. Секој период си го врзувам со некоја песна и кога ќе ја чуеш те враќа некако на моментите. Те потсеќа на некоја дешавка, без разлика колку одамна се случила.

Како Скопје влијае на вас како личности? Што ви недостасува во градот, а што сметате дека е вишок?

Добре: Си го сакам, Скопјенце. Тука сум израснал, сум имал прва љубов, сите први работи ми се тука. Целата радост и несреќа сум ја доживеал тука, ме обликувал во човекот што сум денес и мислам дека добра работа завршил. Имало тажни моменти, ама ако не биле, немало да ги ценам овие убавите. Ми фали common sense, и тоа не само во Скопје, туку општо во државава. Луѓето ги прават работите ради реда. Треба малку да се размисли пред да се направи некоја постапка. Ми фали емпатија. Дали толку брз стана животот или оваа сиромаштија ги наведе луѓето да грабаат колку можат, а ништо да не дадат?!

Многу недостасува да се соживеме едни со други, да си помагаме едни со други, а не да сме си зло.

Да се поврземе со убавите ствари меѓу нас, не со лошите. И мислам кога ќе се деси една кохезија, кога така заедно ќе размислуваме и работиме за greater good за сите, а не за одредени поединци или групи, многу повеќе ќе се развие градот: културно, урбано, секако.

Давид: Се согласувам со Добре, и сметам дека градот полека се развива. До пред пет години ниедно од диската како Сектор, Епицентар не работеа, луѓето немаа каде да одат, буквално. Немаше каде да се излезе, се беше исто, веќе видено. Немаше место каде што можеш да видиш нешто ново и различно. Сега Скопје е далеку поразвиено во тој поглед и се надевам дека ќе продолжи во таа насока.

Што прво ви паѓа на памет кога некој ќе ви го спомне Скопје?

Давид: Јас би го дефинирал тоа како една прошетка низ Скопје со точаче. Ама онаков што може брзината да му се менува во место. Пример, стоиш на семафор и намалуваш брзина, а веднаш штом се пали зелено, мењаш во појако и тргаш. И поминуваш низ Парк, Водно, чаршија… Значи милина! За место би го избрал МСУ, многу кул.

Добре: Ух, многу работи ми доаѓаат, експлозија на емоции, искрено. Најубава ми е железничката зграда, кај Песталоци. Моментот што секогаш ќе го паметам, иако се многу, ќе го издвојам возењето у 22ка по партизанска, дур заоѓа сонцето и на радио иде What a wonderful world од Louis Armstrong. Многу оддамна беше, ама кога и да помислам ме преплавува тоа неописливо чувство, микс на слобода, припадност, љубов…

REКОНЕКТ 2019

Најскопското нешто што сте го направиле?

Давид: Идам пешки од плоштад накај парк, поминувам покрај кеј и дур го проаѓам мостон Гоце Делчев се вртам и го читам графитот “Кој к** графит”. Значи секој пат, секое поминување хахаха Веќе го нема, штета.

Добре: Сум си исфлекал јакна со зејтин од мрсен симит хахах…

Каде скопјани може да ги најдат The DD’s , што е следно ?

Давид: За далечна иднина се надеваме Dekmantel (фестивал во Амстердам), a поблиска иднина:
— Сектор секој втор четврток, Уста на Уста рубика
— Cosy bar секој втор петок

Во понеделник (04.11.2019) на Скомрахи — фестивал на ФДУ сме, ве очекуваме! Следете не’ на Инстаграм, ФБ, Youtube.

Добре: Се надеваме дека луѓето ќе сакаат да не слушаат почесто, само не би сакале да станеме апла мејнстрим бенд. Сакаме сетовите да ни звучат слично, но да немаме ниедна иста песна, секоја журка да си е приказна за себе. Многу често вежбаме посебно, засебни сетови си правиме ама со добра комуникација и соработка, супер резултат имаме.

- Скромни , културни , easy going

Zapoznaj Gi Skopjani

Written by

The stories are the most important part of our lives. We are here to tell the stories of Skopje!

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade