You only live once
Та нарт энэ үг ямар утгатай санагддаг вэ ?

Бодоод үзье л дээ
Өнгөцхөн харвал
Чи ганц л амьдрах учраас юу хүссэнээ хийж идэж ууж өмсөж зүүж бие сэтгэлийн таашаал эдлэн амьдрах учиртай гэж…
Харин нөгөө талаас чи ганц л амьдрах учраас хүн шиг хүн байж амьдрах учиртай гэж…
Би гэдэг хүн сүүлийн утгаар амьдрахыг хүсдэг бололтой.
Магад их сургуулиа төгсөтлөө буюу 21 нас хүртлээ эхний утгаас өөрөөр хараагүй л байсан байх.
Гэхдээ түүнээс хойш Энхээ их өөрчлөгдсөн.
Урьд нь өөрөөсөө асуухаас айдаг байсан асуултуудаа өөртөө зоригтойгоор тавьж цөөн хэдэд нь хариулж ихэнхид нь эргэлзэж үлдсэн хэдийнх нь хариултыг хайсаар л явна.
Эхний утгаар амьдрах их хялбархан.
Ердөө л юу хүснэ түүнийгээ хийж амьдрахад болно.
Унтмаар байна уу ? унт унт
Хэцүү байна уу ? боль боль
Идэж ууж наргиж цэнгэмээр байна уу ? Тэг л дээ залуу нас богинохон ш дээ Төдэй амьдрал тэ ?!
Харин би үнэхээр л хүний сайн хүн нь баймаар байна.
Аз жаргалтай сайхан амьдрал гэдэг чинь зөвхөн гэдэс цатгалан санаа амар явахын нэр биш шүү дээ.
Хэрвээ иймхэн л байсан юм бол зүүний үзүүр дээр будаа тогтохтой зүйрлэдэг хүмүүн заяа гэдэг ингэж өнгөрөөхөд дэндүү хайран санагдана…
Энэ хорвоогоос халих цаг ирэхэд бидэнд юу бодогдох бол ?
Юу ч байж болно л доо
- Залуу насандаа хийсэн тэнэг алдаанууд
- Очиж үзээгүй газар оронууд
- Ардаа үлдэж буй хүмүүсийн талаар
- Өөрийнхөө гомдсон болон гомдоосон хүмүүс
- Эсвэл бүр өчигдөр угаалгүй үлдээсэн угаалтууран дахь аяганы талаар ч бодож болох.
Гэхдээ юу гээч
Бидний амьдрал би чин сэтгэлээсээ бусдыг хайрлаж байв уу тэд ч бас эргүүлээд намайг хайрлаж чадавуу гэдгээр хэмжигддэг юм гэнэ лээ…
Хүсэл шуналдаа автчихгүйхэн шиг хүн шиг л хүн явах юмсан даа
