صراع الإنسان فى رحلته مع الزمن
من أصعب التحديات اللى الإنسان بيواجهها لما بيبتدى يكبر هيا صراعه مع العُمر، ما بين الماضى والحاضر والمستقبل …
صورة واحدة من ألبوم الصور أو الذكريات اللى مطبوعة فى عقلك دايماً بتكون كفيله إنها تحّرك الصراع دا، صورة فيها ضحكة العيلة الكبيرة المتجمعة على عزومة عشاء أو صورة لخروجة حلوة مع صحابك بتفكرك بالعُمر وصراعاته …
صراع الماضي، المُتمثل فى الذكرى اللى بتبقى مصحوبة بإبتسامة شبه الإبتسامة اللى فى الصورة اللى بتتفّرج عليها، بس أوقات بيجى بعدها حزن لإفتقادك للناس دى أو للحظة دى!
صراع الحاضر، المُتمثل فى إنك بعيد عنهم، يمكن مشغول أو فى بلد تانية أو حياة تانية هُما مبقوش جزء منها، أو يمكن للأسف خلاص رحلتهم على الأرض خلصت!
صراع المستقبل، اللى بيخليك عارف إن مينفعش الصورة دى تتكرر تانى، لأن العمر عدى كفاية لإنه يغّير حاجات كتير حواليك، أو ياخد ناس كتير بعيد عنك سواء فى مكان تانى فوق الأرض أو تحتها .. ممكن تاخد صورة تانية شبها أو يمكن أحلى منها بس بيكون جزء من روح وصحبه الصورة خلاص مش موجودين، بتكون صورة جديدة بذكرى جديدة!
الحقيقة هى دى سٌنة الحياة، كل يوم ناس جديدة بتتولد وناس بتموت، ناس بتيجى تشاركنا جزء من مستقبلنا وناس بتصبح جزء من…
