Uğurlu məhsula gedən yol: Prioritetləşdirmə sənəti
Məhsul sahibinin ən kritik məsuliyyətlərindən biri tələblərə düzgün prioritet təyin etməkdir. Düzgün prioritet təyin etmək müştərilərin tələbinə zamanında düzgün reaksiya verməkdə, komandanın diqqətini düzgün şeyə fokuslamaqda, ən əsası isə optimal variantla məshulun dəyər gətirməsində mühüm rol oynayır.
Bu bloqumda məhsul sahibi olaraq “Düzgün prioritet necə təyin edilməlidir?” sualına cavab tapacağıq.
1. Müştəri və biznesin ehtiyaclarını başa düşmək
Hansı tələbin daha vacib olduğunu təyin etmək üçün ilk meyar müştərilərin ehtiyacını bilmək və biznesinin məqsədinə tam hakim olmaqdır. Sizə qərar verərkən yol göstərən əsas amillərdən biri bu meyarlardır.
2.Maraqlı tərəflərin gözləntilərini və fikirlərini bilmək (Communicate with stakeholders)
Vacib olan bir digər amil isə mütəmadi olaraq maraqlı tərəflərdən rəy almaqdır. Onların prioritetlərini başa düşmək və uyğun rəyləri nəzərə almaq bu yolda uğurlu olmağın əsas məqamlarından biridir. Bu prosesi maraqlı tərəfləri “Sprint Review” görüşlərinə dəvət edərək və onlardan rəy alaraq idarə edə bilərsiniz.
3.Prioritetləşdirmə metod və texnikalarından istifadə etmək
Bu texnikalar tələblərin müxtəlif meyarlarını nəzərə alaraq hazır metodlar vasitəsilə bizə daha asan qərar verməkdə kömək olur. Nümunə olaraq, “MoSCoW”, “Kano model”, “RICE” və bu kimi digər metodlardan istifadə edə bilərik.
4. Dəyərə fokuslanmaq
Məhsul sahibi olaraq prioritet təyin edərkən ən vacib məqam müştəriyə və biznesə ən çox dəyər qatan tələbi təyin etməkdir. Bu, komandanın ən dəyərli tələbin üzərində işləməsinə, daha sonra sürətli dəyər gətirməsinə kömək edəcək.
5. Mütəmadi olaraq gözdən keçirmək və adaptasiya etmək
Məhsul sahibi olaraq unutmamalıyıq ki, prioritetləşdirmə dayanmadan davam edən bir prosesdir. Prioritetlərinizi mütəmadi olaraq nəzərdən keçirməlisiniz. Hər gün maraqlı tərəflərin, müştərilərin, “Development Team”in və məhsulla bağlı fikri olan hər kəsin rəylərini dinləməli, lazım gəldikdə sürətli şəkildə prioritetlərinizi tənzimləməlisiniz. Yəni dəyişməyi bacarmalısınız.
Ümumiyyətlə, biz başa düşməliyik ki, “Scrum” komandanın uğurlu məhsul ərsəyə gətirməsində düzgün prioritet təyin etmək ən vacib amillərdən biridir. Siz məhsul sahibi (“Product Owner”) olaraq bu prosesdə kritik rol oynayırsınız. Yuxarıdakı meyarları düzgün tətbiq edərək əmin ola bilərsiniz ki, komanda olaraq düzgün yoldasınız. Bununla sürətli şəkildə düzgün nəticə əldə edə bilərsiniz.