Javët 1–2 të TET: 24.11.2017
Eventi hyrës i TET
E Hënë, 13 Nëntor 2017, tek Destil Hostel Tirana
Nxënës të shoqëruar nga prindërit dhe partnerë nga sipërmarrja ishin të ftuarit special në eventin hyrës të prezantimit të programit TET në sallën e aktiviteteve pranë Destil Hostel Tirana.
Dita e parë e TET
E Martë, 14 Nëntor 2017, tek Kolegji Universitar TBU
Dita e parë kishte si qëllim kryesor njohjen e nxënësve me facalitatorët, si dhe informimin e tyre mbi rregulloren e programit. Përmes metodës Speed Dating nxënësit prezantuan vetëveten te nxënësit e tjerë pjesëmarrës. Gjithashtu, nxënësit u informuan mbi vizitën pranë Dendem duke u ikurajuar të informohen paraprakisht rreth aktivitetit të kompanisë, si dhe të mendonin për pyetje të dobishme të cilat i ndihmojnë në rrugën e tyre drejt sipërmarrjes.
Vizitë tek Dentem
E Mërkurë, 15 Nëntor 2017, tek Dentem, Innovation Hub Tirana
Alen Saqe, bashkëthemelues i Dentem, startup për menaxhimin e klinikave dentare dhe më tepër, mirëpret për bashkëbisedim nxënësit e programit TET. Alen argumenton si lindi ideja e këtij biznesi, vështirësitë që kanë hasur në sipërmarrje, motivimin që ka i nxitur të besojnë mbi projektin e tyre, mënyrën e ndërtimit të ekipit, pjesëmarrjen në konkurse të ndryshme për testimin e idesë dhe gjetjen e financuesve potencial, si dhe planet për të ardhmen. Të gjithë nxënësit drejtuan pyetje të ndryshme mbi aspekte personale dhe profesionale të rrugëtimit në sipërmarrje të Alenit.
Nis Projekti i Sponsorizimit
E Enjte, 16 Nëntor 2017, tek Kolegji Universitar TBU
Nxënësit diskutojnë mbi vizitën në Dentem nën moderimin e facilitatorit Eneriko Hajdaraj. Më pas nxënësit prezantohen me projektin e sponsorizimit — ku ftohen të vendosin për krijimin e një produkt të mbuluar tërësisht nga sponsorizime të siguruara nga vetë nxënësit. Nxënësit u organizuan në skuadra sipas veprimtarive që do të angazhohen.
Dita e katërt e TET
E Martë, 21 Nëntor 2017, tek Protik
Nxënësit mirëpriten në Protik, qendër për fuqizimin ekosistemeve të TIK dhe të sipërmarrjes, nga z. Erges Nako, menaxher komuniteti. Z. Nako i njeh me aktivitetin dhe misionin e Protik, projektet aktuale dhe të ardhshme të organizatës. Më pas. z. Nako, shpjegon rrugëtimin e tij profesional, duke ofruar disa këshilla për nxënësit për nisma sipërmarrëse.
Koha për ndërtimin e shpirtit të skuadrës
E Mërkurë, 22 Nëntor 2017, tek Kolegji Universitar TBU
Nxënësit trajnohen mbi mënyrën se si duhet të ndërtojnë ekipin. Nxënësit u ftuan të marrin pjesë në disa aktivitete që i ndihmoi të përshtaten me njëri tjetrin si dhe të vlerësojnë kompetencat profesionale të secilit.
Dita e gjashtë e TET
E Enjte, 23 Nëntor 2017, tek Kolegji Universitar TBU
Nxënësit rikujtohen mbi ditarët që duhet të dorëzojnë, trajnohen mbi pyetjet efektive që rekomandohen gjatë vizitave në biznese, inkurajohen për të komunikuar on-line me facilitatorët dhe drejtuesit e programit, vendosin detyrat mbi projektin e sponsorizim për secilin grup, trajnohen mbi mënyrën e komunikimit/prezantimit me sipërmarrje potenciale, si dhe diskutohet mbi TET talks — një organizim për secilin nxënës t’i tregojë historinë shokëve/shoqeve të tyre në TET.
