Devi tum apni raksha savayam hi karlo
Hum sab ek dhong hai
Hum sab ek jhonk hai
Kal sab shaant hojayega
Kal sab ekant hojayega
Fir ik din ik naya kissa uthega
Fir ik di kisi ka hissa katega
Tab tak tum behijak savar lo
Devi tum apni raksha savayam hi karlo
Aag jab tak ghar na phuchjaye
Tab tak hum hath dharey dekhte rhege
Tab tak apne thande dil dimag par
Cheekho lachaari ki awaaz sekhte rhege
Is vyavastha se Halaat khasta se
hum nar janwar se Satta manyavar se
Tum ab akele khud hi lad lo
Devi apni raksha savayam hi karlo
Na Koi insaan na koi bhagwaan
tumhe is haiwaan se bachane wala
Ye shaitaan aj fir tumko hain noch jaane wala
Kismat buri hoyegi agar tum jinda rehjaogi
Kacherio k or reporter k roz dhakke khaogi
Vhi ghinhoni harkat har pal yaad krayi jayegi
Fr Tumhari daleel bebuniyaad thehrayi jayegi
Is atyachaar se tum ab khud hi kese tese ubhar lo
Tumhare astitav ki raakh baar baar sadni hogi
Ye ladayi tumhe bin chaahe akele hi ladni hogi
ise bas tum aankh moond kr, hoth see kr jar lo
Aur Humare liye b chullu bhar pani tum bharlo
Kyoki Beti behan amma tum apni raksha savayam hi kar lo
~abhi Makker