Growl Of Clown
Mongolian Deathcore band. //Photojournalism//
Анх тэднийг Playtime Showcase-ын тайзнаас харсан юм. Хурц, шийдэмгий, бие даасан авир..
Тэднийг нэг үгээр тодорхойл гэвэл,
Адреналин!
Deathcore жанраар уран бүтээлээ туурвих тэд байгуулагдаад 4 жил өнгөрсөн ч анхны цомгоо угтан авахад сар хүрэхгүй хугацаа үлдсэн билээ.
Цомгийн бичлэг хэрхэн явагдсаныг мөн тэр хугацаанд ямар хором мөчүүд буусныг та бүхэндээ толилуулахаар бэлдээд байна.
Долоо хоног, чөлөөтэй харилцаа.
Архив. 2018.02.05–2018.02.12
Гайхалтай сонсгол, нарийн мэдрэмжтэй Өу Ти ахын хийж гүйцэтгэсэн ажил, цуглуулсан туршлага арвин. Growl of Clown/ GOC / хамтлагийн debut album-ыг тэр чигээр нь гардаж бичсэн хүн нь энэ эрхэм юм. The Voice of Mongolia, Mongolia’s Got Talent нэвтрүүлгүүдийн дууны найруулагчаар ажиллаж өөрийн The Library Records-оо авч яваа. Хамтарч ажилласан уран бүтээлчид л гэхэд Никитон, Сарантуяа, Ариунаа, The Lemons, A-Sound, Magnolian, the Colors гээд явж өгнө. АНУ-ын Рэдфордын их сургуулийн хөгжмийн магистр зэрэгтэй тэрбээр... Come On! Алдарт Fugees хамтлагийн дуучин Lauryn Hill-ийн аялан тоглолтод гитаристаар ажиллаж байсан хүн шүү дээ! Өөр юу нэмж хэлэх вэ дээ, тийм ээ! :)ТэсрэлтАвдар авдраар нь архи залгилмаар
Арзгар толгойгоо аваад чулуудмаар
Хамаг бие минь дагжин чичирч
Халууран бүх бие самарч байна...
“Нэг өвөл 9-р ангид байхдаа сургуулиасаа гараад явж байтал хажууханд байдаг балгас шиг байрнаас айхтар хөгжим хангинаж дуугараад бүр алж байдаг юм байна. Өөрийн мэдэлгүй хаалгыг нь онгойлгоод хартал хамтлагийн бэлтгэл бололтой 2 гитарчин нь 7 утастай гитартай зогсчихсон, яаая янзын харагдаж билээ.. Тоглож дууссанаа: “Яасан ахын дүү?” гэхэд нь “Харин би гитар сурах гээд л..” гэсэн чинь “Болно оо, маргааш гитараа аваад ирээрэй” гээд дугаарыг нь авж байсан юм. Тухайн үедээ Motorway гээд хамтлагийн Батхүү ах, Алтан Очир ах 2 байсан юм билээ. Тэр үеэс хойш гитар заалгаж сураад, энд тэндхийн тоглолтод дагаж явж өөрөө ч хамтлаг гэсээр метал хөгжимд орсон доо. Хар нүх рүү хөл алдаж унадаг шиг л амьд хөгжимд ухаан алдталаа дурласан юм даа...”“4 жилийн өмнө Noise Metal Fest ээр бид анх удаа Growl of Clown-аараа тайзан дээр гарсан юм. Тэгсэн хэдхэн найзууд маань үзээд зогсож байсан. Хөгжилтэй байгаа биз! Тэр үед л GOC төрсөн гэж хэлж болно. Анхнаасаа л айлын дууг тоглохгүй муу ч гэсэн өөрсдийнхөө дууг л тоглоно гэдэг байсан. Тэр нь явсаар өдий 8 дуутай цомог хэмжээнд ирчихлээ шүү дээ! Гол нь гадаадын фестивалиудад оролцох хамгийн наад захын шалгуур нь өөрсдийн цомгийг гаргасан байх юм билээ. Ухаандаа цомог гаргасан, уран бүтээл хийдэг, ансамбль-тай гэдгийг илтгэж байгаа юм л даа. Ялангуяа метал хамтлагуудыг сонсогчид амьдаар сонсохыг зорьдог, дагаад фестивалиуд ч ихээр зохиогддог. Тиймээс бид хэд цомгоо угтаад авчихвал гадаадын фестивалиудаар сайн явна гэсэн төлөвлөгөөтэй байгаа. Учир нь бидний сонсогчид дэлхийд л байгаа шүү дээ.”
Энд харин маш өөр түүх яригдана. Учир нь энд түүний ертөнцийг хөрвүүлэх бид хэрэгтэй болно л доо. Жишээ нь "Тэгээд л стэйк идээд л" гэж тэр хэлбэл маш олон зүйлийг нэгэн зэрэг илтгэж байж болох юм. Тухайн үеийн нөхцөл байдлаас хамаарч айхтар хувьсах чадалтай түүний энэ хэдэн үгсийг сайн мэдэх хэд нь л юу гэдгийг олж ойлгоно. "Их өвөрмөц ертөнц л дөө манай Ариукагийн ертөнц" гэж хамтлагийнхан нь дуу нэгтэй хэлнэ. Би ч хэлнэ. Ундарч дуусашгүй их сэтгэлийн далай түүний юмсыг бодитоор харах чадвар нь онцгой. Unicorn-д дуртай, хайртай хар гопник шилтэй. Будаатай шуурга хийхдээ ихэвчлэн зүүдэг. Хөөрхөн байгаа биз. :)
"Хар багаасаа л метал сонсдог хүүхэд байлаа. Яагаад ч юм цаанаасаа л хөдөлгөдөг. Анх GOC-ийг Global Battle of the Bands-д ялж байхыг нь хараад "Хэзээ нэгэн өдөр.." гээд л боддог байлаа шд. (инээв) Багадаа гэртээ гитараа тоглохоос өөр зүйл мэддэггүй хүүхэд байсан. Хөгжим бүжгийн жазз гитарын ангид тэнцэж ороод анх хотод ирсэн л дээ. Тэгээд л явсаар GOC-доо орчихсон. Гэрээрээ, интернетээс янз янзын шинэ техник сураад давтаж ихэнх цагаа өнгөрүүлдэг болсон. Гарч орох хэрэг хааяа гардаг ч дараа нь харамсчихдаг, гитараа давтаж байхгүй яав даа гээд. Сурах зүйл үнэхээр мундахгүй шүү дээ, байнга л давтаж байх хэрэгтэй."
Жич: 18тай зургийг нь энд дарж хараарай! A cute teen pic right there :DХамтлаг бүл нэмсэн сургаар тэдний бэлтгэлийн байраар нэг ороод гарлаа.
2018.05.31
Хамтлагт нэмэгдээд сар ч болоогүй түүний түүх бас их сонирхолтой. Хамгийн анх гитарын эффект худалдаж авахын тулд программистын ажил хийж эхэлсэн. Цаашлаад тэр нь өндөр цалин тогтвортой ажил болж хувирсан. Түүнтэй хамтлагийн дуучин Хүрлээ таарангуутаа л сайн гэгч нь найрсан гэсэн. Тэгээд л ойлголцолд хүрсэн. Их энгийн бас ойлгомжтой.Нэгдээд удаагүй ч хамтлагийн бүх гадаад харилцааг хариуцаж цаг тухайд нь мэдээлэл хүргэдэг гэсэн. Google search-д тун гарамгай, энгийн яриаг ч google-дчих гээд байдаг зуршилтай гэсэн шүү! :)Өдрийн цагаар гитарчин, шөнийн цагаар программист. Хүрлээтэй санамсаргүй таарсан хэдий ч тохиолдлын зүйл гэж байдаггүй цаанаа нэг учиртай л байдаг. Мэдээж итгэвэл шүү дээ! Ямартай ч түүний хамтлаг гэх эртний мөрөөдөл нь гижигдүүлэн гарч ирсэнд би лав баяртай байна. Нэг мөр гарчхаасай билээ дээ, тийм ээ? :BМетал хөгжимнөөс тэс хөндлөн надад нүд нээсэн аялал байлаа. Судлаад үзэх нь ээ Монголын хүн амын 0,1% нь л метал хөгжим сонирхож таалдаг гэсэн. Deathcore жанраар тоглодог нь ердөө л энэ хэд. Гадаадын том фестивалиуудад манай нийт хүн амтай дүйцэхүйц сонсогчид цугладаг гэхэд нь золтой л ухаан алдчихсангүй. Ямартай ч 06 сарын 09-нд болох WeSupport: Growl of Clown арга хэмжээнд нь амжилт хүсье. Хэрэв та энэхүү нийтлэлийг тэвчээртэй уншиж энэ хүрсэн бол уг арга хэмжээнд заавал очиж тэднийг дэмжээрэй. Ямар гээчийн аялгуу болохыг биеэрээ мэдрэхийн сацуу тэдэнд цомгоо амжилттай хэвлүүлэхэд нь дусал ч болов нэмэр болоорой гэж Агнууш нь чин сэтгэлээсээ хүсэх байна.
Originally published/ full version at www.facebook.com.
