幾點香港疫情的觀察

關於口罩、市道、樓市既觀察

開始之前，有一點唔係好理解。

點解香港政府會派專機去日本接香港人，但又唔派專機去武漢去接香港人？

唔通大家都係中國人唔洗接啦？

政府係未即係暗示上中國既香港人，你地要為自己既愚蠢行為負出代價？政府係唔會幫你地。係未大大巴打左落親中人士到。

btw，點解d親中人士仲未拯救在武漢的香港人番來？

關於口罩

1. 口罩價開始穩定，大部份口罩都係$200–250一盒，即即係$4–$5一隻。
2. 聞到少少口罩準備炒濃的味道，估計係來貨陸續到貨，多左零售店定期賣口罩。雖然都係供應不足，但明顯比新年前後的供應量多左。
3. 除左supply穩定左，另外就係demand小左。大家的確買貴左，但相信好多有能力的人都有1至3個月的口罩量。剩下既都係買來送有需要的人。
4. 遲下Made In HK的口罩供應鏈開始出貨時，相信市場的口罩好快炒濃。我諗3月左右的事。
5. 依家仲持緊大量口罩現貨的炒家，好快d減價出售，遲下冇人要就GG了。
6. 愈來愈多人派口罩俾基層俾老人家，當然以藍絲既性格，佢地一定係執輸行頭，慘過敗家。
7. 我想講好多黃絲太好人，冇咩考究對方立場就派口罩。
8. 每一個人都為自己的愚蠢行為付出代價，藍絲都要為佢地既立場選擇付出冇口罩既代價。
9. 如果係我，我一定唔會派俾藍絲。就算佢地想拎，都要付出代價，擺低投名狀，篤灰幾個人出來，或者公開自己轉變立場，先可以拎到口罩。
10. 你可能話甘冇同情心嫁？面對敵人有同情心未對自己友殘忍？你又可能會話做咩甘政治化，甘既時勢仲講得出依句說話，我建議唔好同依d人做朋友。
11. 問心，依家香港地有咩唔關政治既事？

關於市道

1. 星期六日既商場都開始旺，有d餐廳直情要排隊。唔知係未情人節的原因。
2. 香港人似乎適應左個疫情，今個星期條街多左人，兼多左人番office。
3. 比較知名的黃店例如光棠冰室，依然要排隊，仲諗住人少少去幫親下，點知又係要等。
4. 可見香港人係願意為左一個理念而願意付出更高的時間食本去支持自己人。選擇比努力更重要，就係甘解。當然你間黃店都要有合格以上既質素先持續到落去。
5. 同一時間見到好多奴依賴中國遊客生意的商戶結業或者暫停營業，都係個句：過去20年賺甘多，難道唔洗付出代價？中國俗語都有話：三十年河東三十年河西，唔通甘都唔明？仲話愛國？中國古人既智慧都未學識。
6. 如果醒目既，好諗定有咩方法可以係下一個十年搵食，否則好快被淘汰。
7. 如果係做本土生意，係會有衝擊，但估計不會去到沒底之災，估計Q2或者Q3就會反彈，將之前積聚既購買力釋放出來。
8. 點解會話有購買力釋放出來？因為人性，困係屋企多，冇得去行街去娛樂，個人會頂唔順。疫情一過，仲唔豪爽一次？
9. 做中國生意的，就小心睇路。

關於樓市

1. 記得以前成日話沙士再來時，一定會大手入市。點知新沙士來左，係冇咩心情去諗樓市。
2. 如果你平時冇睇開樓既習慣，冇做準備，依家跌市你都唔識買。所以話機會係留俾準備好的人。
3. 最重要係，樓市到依家都冇跌過。可見香港人好有錢，唔等錢洗，持貨能力極強。當然，賣家都知道好多買家想趁低吸納，根本唔憂賣，所以繼續持貨，個口價一值都唔肯落。
4. 所以大家都係唔好期望樓價會跌。不如勤力d做功課，睇多d樓，發掘平貨。
5. 當然，如果有多d經濟數據support就更好。但未得閒理住，遲下先。