土生中國，土長香港的身份認同問題

1. 我發覺一個現象，愈接觸大陸得多，愈反感中國或者中共

2. 例如我，我係細細十歲左右個新移民落來，小學四年班係香港扎根，土生中國土長香港。當時小學讀書，8成都係新移民，每年暑假農曆年大家必然番大陸。

3. 見證中國堀起，相信冇咩人比我更有感覺。每半年番去一次，d街係180度大變，近乎認唔到路，靚左好多。大陸d親戚愈來愈有錢，每一年既利是都會大封左。我真係見證住大陸由三窮二白變成超級大國，變得富有。

4. 同時都聽過、見證好多大陸既故事。唔算話媒體所講既好黑暗，但我感受到大陸人同人之間既信任好薄弱。同埋階段觀念極重。

5.非正式觀察，我發覺類似我背景既人，大部份都係反共，甚至反感中國人。

6. 觀察來源係我同期既新移民同學既facebook同出街會見到佢地。

7. 我地係中國出生，移民左落來香港，其實比任何人都更加珍惜依個地方，更加著緊。

8. 另一類行得好前既人，反而係經常番大陸做生意或者曾經係大陸讀書。佢地既事業係中國，面對既衝擊挑戰，相信比我更深感受。

8. 而同一時間，我發覺親中既通常有2類人

9. 一類係冇咩番大陸，根據我聽左好幾個藍絲KOL，佢地通常冇咩點番大陸，往往有不切實際既幻想，不切實際既美麗圖畫，跟住就會偏中國。

10. 另一類係中老年人，基於生活背景既不同，佢地親中其實好合理。

11.以上都係基於我非正式既觀察調查所得，完全主觀，唔客觀。歡迎大家分流。

12. 近來仲有新既自我發現，原來自己由以前既大愛左膠變得愈來愈右。仲有發現自己冇咩愛，其實搞掂自己已經係對世界既大愛

13. 簡單來講，愈番得多大陸，愈反感中國及中共

14. 利申：其實我好喜歡中國歷史，以前讀書中史係最高分。去旅行都喜歡去歷史古蹟。

15. 所以睇住中國既文化歷史古蹟俾中共催殘，我好心痛。依一年，其實有幾次都有衝動想番大陸既名勝古城旅遊，其實我係幾喜歡番去，只係真係太危險太敏感，唔番好過番。

16. 身份認同方面，如果真係要選擇，我會叫自己係香港人，再推而廣之，會叫自己華人。中國人三隻字已經被中共污染左，其實好難叫自己中國人。