騰騰亂譯倫敦地鐵I（卅三）
入城（City of London）之前要經過城門
咁D城門叫咩名好？
Published in
May 1, 2021
上集嘅尾我講到，我呢一集會買一送二咁款。但係諗真D，我覺得我似係買一送六多D，因為：我決定喺呢一篇文講哂倫敦寨城（City of London）歷史上嗰七道門。
拆哂喇，你死咗條心佢喇，你冇得過嗰D門㗎喇。去片：
跟住條片嘅順序喇，首先係東面嘅Aldgate。
條片講咗D特別嘢嘅，不過佢都特別提到，Aldgate呢個名應該唔關old事（ald係old嘅古串法），而可能係關酒事（即係Alegate？）。而條片都講，Aldgate出去係一條好重要嘅幹道嚟嘅。
咁重要又講到咁熱鬧咁，仲要喺倫敦寨城嘅東邊㖭，我諗起一個地方：
東大門！
首爾／漢城嗰個睇維基都知，佢本身個名叫興仁之門，但係點解會俗稱「東大門」，我諗係地理位置啩，我都冇去過首爾。
而倫敦呢個呢，咁都真係喺個寨城嘅東邊，都應該係好重要嘅一度門，咁都仲係「大門」啩。所以，喺東邊嘅大門，夾埋叫「東大門」都唔差喎。
下一個呢就到Bishopsgate喇。
呢度門呢，就話向東北出嘅。Hea嘅話就叫佢做「東北門」喇。但係都真係hea得滯，所以我都係搵返個意思先。
段片都講過，其實都冇人知道究竟Bishopsgate講嘅bishop(s)係邊個。不過既然佢用bishops做名囉，咁咪用返「主教」嚟做名囉呢次。所以Bishopsgate叫「主教門」。
我都曾經諗過用國際象棋嘅叫法，叫呢個做「象門」，但係個解釋太難，而的確有人唔叫國際象棋嘅bishop做「象」叫返做「…
