Against Stepmother 18–20
Vocabulary List
Φαρμακείας κατὰ τῆς μητρυιᾶς
[18] καὶ τὰ μὲν ἄλλα μακρότερος ἂν εἴη λόγος περὶ τοῦ δείπνου ἐμοί τε διηγήσασθαι ὑμῖν τ᾽ ἀκοῦσαι: ἀλλὰ πειράσομαι τὰ λοιπὰ ὡς ἐν βραχυτάτοις ὑμῖν διηγήσασθαι, ὡς γεγένηται ἡ δόσις τοῦ φαρμάκου.
ἐπειδὴ γὰρ ἐδεδειπνήκεσαν, οἷον εἰκός, ὁ μὲν θύων Διὶ Κτησίῳ κἀκεῖνον ὑποδεχόμενος, ὁ δ᾽ ἐκπλεῖν τε μέλλων καὶ παρ᾽ ἀνδρὶ ἑταίρῳ αὑτοῦ δειπνῶν, σπονδάς τ᾽ ἐποιοῦντο καὶ λιβανωτὸν ὑπὲρ αὑτῶν ἐπετίθεσαν.
[19] ἡ δὲ παλλακὴ τοῦ Φιλόνεω τὴν σπονδὴν ἅμα ἐγχέουσα ἐκείνοις εὐχομένοις ἃ οὐκ ἔμελλε τελεῖσθαι, ὦ ἄνδρες, ἐνέχει τὸ φάρμακον. καὶ ἅμα οἰομένη δεξιὸν ποιεῖν πλέον δίδωσι τῷ Φιλόνεῳ, ὡς, εἰ δοίη πλέον, μᾶλλον φιλησομένη ὑπὸ τοῦ Φιλόνεω: οὔπω γὰρ ᾔδει ὑπὸ τῆς μητρυιᾶς τῆς ἐμῆς ἐξαπατωμένη, πρὶν ἐν τῷ κακῷ ἤδη ἦν: τῷ δὲ πατρὶ τῷ ἡμετέρῳ ἔλασσον ἐνέχει.
[20] καὶ ἐκεῖνοι ἐπειδὴ ἀπέσπεισαν, τὸν ἑαυτῶν φονέα μεταχειριζόμενοι ἐκπίνουσιν ὑστάτην πόσιν. ὁ μὲν οὖν Φιλόνεως εὐθέως παραχρῆμα ἀποθνῄσκει, ὁ δὲ πατὴρ ὁ ἡμέτερος εἰς νόσον ἐμπίπτει, ἐξ ἧς καὶ ἀπώλετο εἰκοσταῖος. ἀνθ᾽ ὧν ἡ μὲν διακονήσασα καὶ χειρουργήσασα ἔχει τὰ ἐπίχειρα ὧν ἀξία ἦν, οὐδὲν αἰτία οὖσα — τῷ γὰρ δημοκοίνῳ τροχισθεῖσα παρεδόθη — , ἡ δ᾽ αἰτία τε ἤδη καὶ ἐνθυμηθεῖσα ἕξει, ἐὰν ὑμεῖς τε καὶ οἱ θεοὶ θέλωσιν.
Vocabulary
[18] μακρότερος: comp. μακρός
- διηγήσασθαι: set out in detail, describe
- λοιπὰ: the rest
- βραχυτάτοις: superl. βραχύς—brief, few (words)
- φάρμακον: drug, poison, cure
- δειπνέω: make a meal, serve dinner (with one)
- Κτήσιος: domestic, epithet of Zeus, protector of house and property
- ὑποδέχομαι: receive into one’s house, welcome, entertain, undertake, receive
- ἐκπλέω: sail out
- σπονδή: drink-offering, treaty, truce
- λιβανωτός: frankincense
[19] παλλακή: mistress, young girl
- ἐγχέω: pour in, fill the cup
- εὔχομαι: pray, vow, boast
- τελέω: accomplish, execute, perform, (pass.): be fulfilled
- δεξιός: on the right hand, here: clever
- μητρυιά: stepmother
- ἐξαπατάω: deceive, beguile, seduce
- ἐλάσσων: smaller, less
[20] ἀποσπένδω: pour out wine (as libations/offerings)
- φονεύς: slayer, murderer
- μεταχειρίζω: take in hand, handle
- ὑστάτην: superl. ὕστερος
- παραχρῆμα: on the spot, forthwith
- ἐμπίτνω: fall upon
- ἀπόλλυμι: ἀποθνήσκω
- διακονέω: minister, do service
- χειρουργέω: χείρ + ἐργάζομαι
- ἐπίχειρον: arm, wages, here: punishment
- αἴτιος: culpable, responsible, guilty, cause
- τροχίζω: break on the wheel, torture
- δημοκοίνῳ: δήμιος + κοινός = public executioner
- ἐνθυμέομαι: lay to heart, ponder, here: form a plan, plot