cbc عبر صفحتها للسيسي: سنحارب معك كلاب أهل النار..
CBC تواجه انتقادات واسعة عقب نشر صورة لقائد الانقلاب عبدالفتاح السيسي ـ أرشيفية

cbc عبر صفحتها للسيسي: سنحارب معك كلاب أهل النار..

والنشطاء: أين حيادية الاعلام؟

أثارت قناة “CBCExtra” انتقادات واسعة للغاية عبر صفحتها على موقع التواصل الاجتماعي”فيسبوك” عقب نشرها صورة لقائد الانقلاب عبدالفتاح السيسي كتب عليها: “رئيس بدرجة إنسان وأخ وصديق، قسما برب السموات والأرض سنحارب معك كلاب أهل النار بكل ما نملك من قوة”.
 
 الصورة أثارت تعليقات واسعة وصلت إلى 6 آلاف تعليق، منها انتقادات وجهها العديد من الاعلاميين والنشطاء السياسيين، فقال الكاتب أحمد جمال زيادة: “كنت فاكرها صفحة كوميكسات لقيتها الصفحة الرسمية، داحنا نقفل صفحات الكوميكس بقى ونتابعكم، محدش هيقدر يعلى عنكم في المسخرة”.
 
 وأضاف المذيع عبد العزيز مجاهد: “هو خلاص بيقع ومش فاضل له غيركم ؟ولا انتم قررتم تدخلوا النار تدافعوا عنه هناك؟”.
 
 وعلقت الصحفية خديجة الشريف: “يلعنكم أنجاس، جري ايه ياخونة؟ انتوا مش عايشين وسطينا؟ مش شايفين إننا بقينا ألعن من سوريا اللي كنتوا بتضربوا بيها المثل؟ يا أخي اتفو على كذبكم وتدليسكم انتو زيكم زي الخاين بتاعكم ورقبتكم كلكم سوا محدش هينفد بإذن الله جوعتونا وفقرتوتا وسجنتونا ومرضتونا ومررتو عيشتنا، بقي دي مصر اللي ضحكة اَهلها كانت بترن في كل حتة، الناس من الاكتئاب والهم هتطب ساكتة”.
 
 وأضافت الصحفية هدى حامد ساخرة: “تراني تأثرت لحظة أبكي”.
 
 أما الصحفي حسام زيدان فقال: “هو ايه العبط ده؟ ايه اللي أخ وصديق وبتاع والكلام الأهبل ده؟ دا موظف يشتغل ويتحاسب على شغله، إزاي صفحة تدعي إنها منبر إعلامي تكتب الكلام ده؟!”.
 
 وأضاف الناشط حسين رضا: “دا على أساس أنكم فوضتوه يدخل النار والجنة كمان والله أيامه السوده قربت جدا”.
 
 وقالت نرمين حسين: “ربنا يحفظة وذريته و أهل بيته ومؤيديه ف ثلاجة حفظ الموتي قادر يا كريم”.
 
 لو إنسان كان حس بالمواطن
 واستنكر النشطاء وصف القناة المذكورة للسيسي بـ”الإنسان” فقال أحدهم: “انسان إيه؟! دا لو إنسان كان حس بالمواطن الغلبان اللي بيكمل عشاه نوم، لو إنسان كان حس بإخواتنا وبناتنا اللي داخل السجون بدون أي تهم وبيتعرضوا للاغتصاب، دا لو إنسان كان جاب حق المصريين اللي بيتعرضوا للإهانه برا مصر، دا مش إنسان دا غراب وعشش على مصر”.
 
 وأردف نبيل عبد الجواد: “درجه انسان!؟ بإمارة مَش لاقين لا أكل ولا شرب ولا كهربا ولا العملة الأجنبية لأنه إدارة فاشلة، الغرب دلوقتي بيبصلنا على إننا عبارة عن سجن كبير وشعب بأكمله بيتعذب فيه، كفاكم نفاق”.
 
 كلاب أهل النار
 ومن أكثر التعليقات التي لاقت قبولا بين النشطاء ما قاله أحمد محسن عن عبارة “كلاب أهل النار” التي ذكرتها القناة فقال:” عمال أبص على جملة (كلاب أهل النار) إني أفهمها !! أبدا، يعني أهل النار دخلوا النار ومعاهم كلابهم؟ وأنتم والسيسي هتقاتلوا (الكلاب) وسايبين أهل النار(البشر)؟ طب وهتقاتلوهم بإيه؟ بأنيابكم ولا بمخالبكم؟ ولا هتهوهوو وراهم؟”.
 
 وتساءل أيضا إبراهيم غريب: “معلش توضيح من هم أهل النار؟!! وهل لهم صلة بأهل الشر؟! برجاء التوضيح ياولاد ال** كفاية حرقة دم”.
 
 وأضاف محمد تيجاني: “قسمتم الجنة والنار على مزاجكم خلاص؟ صحيح.. ما انتو شوية معاتيه مصدقين واحد بيحلف إنه قعد عشر سنين ثلاجته فيها مياه بس وإنه بيتبرع بنص مرتبه”.
 
 وتساءل محمد الشناوي: “هو أي حد ضده تعملوه إخوان وخرفان وكلاب أهل النار كأن مثلا الجنة والنار ملككم تدخلوا فيها اللي على مزاج أهاليكم، ربنا يعينكم على مابلاكم به”.
 
 وتابع محمد زكي: “أكيد هتحاربوا كلاب أهل النار، ما إنتو هتقضوا وقت فراغكم إزاي في النار”.
 
 فين الفلوس اللي بيشحتها على الشعب؟
 
 أما سمر سامي فقالت: “هو كل الناس اللى بتقول احنا معاك، مرتبكم 1600 بتدفعوا إيجار 450 في منطقة زبالة مجبرين للعيشة فيها عشان أسعار الشقق، حطين ولادكم في مدارس زبالة عشان يادوب يتعلمو دا غير الميه والنور”.
 
 وأردفت: “وطبعا المنطقة الزبالة مفهاش غاز يعني أجيب أنبوبة ب 50 و 70 جينه غير مصروف المدرسة والسندوتشات غير مواصلات عشان ننزل الشغل بس مقولتش لا طبيخ ولا غدا ولا عشا، واللى بيقولوا شويه زيت وسكر أقسم بالله أنا ملاقيه حبه سكر اشتريه من أسبوع”.
 
 وتساءلت: “فين الفلوس اللى بيبيع بيها البلد؟ فين الفلوس اللى بيشحتها على الشعب؟ الواحد بيموت بس في رب، حسبنا الله ونعم الوكيل فيه وفى كل مسئول مش حاسس بالناس لأن كل راع مسئول عن رعيته”.
 
 إنسان وأخ للشرطة والقضاء والجيش

 
 وعلق مروان البدوي: “الانسان ده سايب الدولار والأسعار تبهدلنا، هو فعلا بدرجة أخ وإنسان للشغالين فى القضاء والشرطة والجيش والاعلام”.
 
 إعلامكم كذاب 
 
 وعلقت ريم عادل: “ انتو اللي وصلتونا لكده، انتو اللي ممشينا وراكم، وفرشتولنا الأرض ورد، وبعد ما كان (الناس مش لاقيه تأكل) وصف للناس اللي على قد حالها؛ ده بقى واقع معظم الشعب الله يخربيتكم إعلامكم كداب بصو للناس اللي في الشارع كويس”.
 
 ثلاجة السيسي
 
 ثلاجة السيسي كان لها نصيب أيضا من التعليقات فسخرت إسراء محمد قائلة: “انتو تجيبوا لكم كام مسدس ميه محترمين كدة وتعبوهم من ثلاجة السيسي وتقاتلوا معاه كلاب أهل النار دول وهتعملوا شغل زى الفل أقسم بالله يا مجانين”.
 
 وتساءلت نرمين عبدالله: “و بعدين درجة الإنسان دي المفروض تبقى مكسوف من نفسك وإنت بتكتبها، بأمارة إيه درجة الإنسان دي؟؟ تلاجته اللي قعدت فاضية عشر سنين و محدش سمع صوته؟؟”.

One clap, two clap, three clap, forty?

By clapping more or less, you can signal to us which stories really stand out.