Facebook-ի հոլովակներ. ինչ է պետք իմանալ
Համաձայն Quintly-ի ուսումնասիրության Facebook-ի (native) հոլովակներով օգտատերերը միջինում 4.7 անգամ ավելի շատ են կիսվում քան Youtube-ի հոլովակներով: Սա ենթադրելի էր, քանի որ Facebook-ն իր հոլովակները մեկնարկելուց հետո փոքրացրեց Youtube-ի հոլովակների նկարների (thumbnail) չափսը, հետևաբար և փոքրացրեց օգտատերերի հոլովակի հղման վրա սեղմելու հավանականությունը: Նաև ներդրեց Facebook-ի հոլովակների ավտոմատ միանալու ֆունկցիան, որը օգտատերերի ուշադրությունը գրավելու հիանալի հնարավորություն է:
Աղբյուրը՝ Quintly
Ակնհայտ է դառնում, որ Facebook-ում անհրաժեշտ է օգտագործել իր (native) հոլովակները, ոչ թե Youtube-ի հղում դնել Facebook-ում: Facebook-ի հոլովակներն ունեն առանձնահատկություններ, որոնց հետևելով Ձեր հոլովակներն ավելի արդյունավետ կլինեն: Այժմ դիտարկենք այդ առանձնահատկությունները:
1. Կարճ հոլովակներ:
Հնարավորինս կարճ, բայց այնպես, որ բովանդակությունը չտուժի: Այսպես ասած՝ մարդավարի կարճ: 8–15 վայրկյան, կարելի է նաև մինչև 30 վայրկյան: Առանձին դեպքերում նաև ավելի երկար: Սակայն Facebook-ում խորհուրդ են տալիսպատրաստել մինչև 15 վայրկյանանոց հոլովակներ:
2. Ուշադրություն գրավել հենց սկզբում:
Մարքեթրներն ունեն 2–3 վայրկյան միայն, որպեսի օգտատիրոջ ուշադրությունը գրավեն: Հենց հոլովակի սկզբում է պարզ լինում օգտատերը կդիտի հոլովակը, թե ոչ: Հեշտ է ասել, իսկ ինչպե՞ս ապահովել.
- Ամենահետաքրքիր, հիշվող կադրերը՝ սկզբում:
- Ուժեղ, գրավիչ հաղորդագրությունները սկզբում: Օրինակ՝ Անվճար ստացե՜ք, Անվճար ներբեռնե՜ք կամ ինչպես ներքևի օրինակում՝ Շահե՜ք iPhone 8:
- Առաջին կադրերի ֆոները լինեն կտրուկ տարբերվող վառ գույներ:
3. Հասկանալի լինի նաև ձայնն անջատած:
Facebook-ի հոլովակների 85%-ը դիտվում են ձայնն անջատած: Հոլովակը պատրաստելիս կենտրոնանալ անձայն դիտելու դեպքում, որ լինի արդյունավետ: Լավ, իսկ ինչպե՞ս.
- Օգտագործել տեքստեր: Լավ կլինի ունենալ մի էկրան, մի հաղորդագրություն կոնցեպտը, այսինքն՝ մի screen-ի վրա լինի առավելագույնը 3 բառ: Տառերը լինեն թավ, մեծ շրիֆտով գրված:
- Օգտագործել վիզուալներ հաղորդագրությունն օգտատիրոջը հասցնելու նպատակով:
- Օգտագործել subtitle-ներ (caption):
4. Հաղորդագրությունը լինի պարզ:
Եթե նպատակը կոնվերսիան է, ապա տանի գործողության, AIDA կանոնինհամապատասխան: Սկզբում ուշադրություն գրավի, հետաքրքրություն և ցանկություն առաջացնի, իսկ վերջում տանի գործողության: Call-to-action լինի հոլովակի վերջում: Բովանդակությունից ելնելով դեպքերում կարելի է նաև մեջտեղում: Wistia-ն պնդում է, որ CTA-ն ավելի արդյունավետ է հոլովակի մեջտեղում: Ինձ համար կարևոր է, որ CTA-ը լինի ոչ ամենասկզբում և ոչ ամենավերջում, դրա արանքում երբ օգտատերն ամենահետաքրքրվածն է հոլովակով: Այստեղ կարևոր է հիշել, որ պետք է հոլովակը տանի միայն մի գործողության, որը որ կարծում եք ամենահետաքրքիրն է օգտատիրոջը: Մի քանի տարբերակ առաջարկելու պարագայում engagement-ի նվազման ռիսկ կարող է առաջանալ:
5. Պատրաստված լինի փոքր էկրանի համար:
Սմարթֆոնի, պլանշետի էկրանը շատ ավելի փոքր է հեռուստացույցի էկրանից, հետևաբար այստեղ պետք են մեծ շրիֆտով, թավ տեքստեր, մեծ պատկերներ, մեծ CTA և այլն: Գործողությունները պետք է կատարվեն արագ: Երբ հոլովակը թեսթավորում եք, անպայման նայեք փոքր չափսով, այնպես ինչպես դիտելու են ձեր օգտատերերը:
6. Չափսերը:
Facebook-ի օգտատերերի 75%-ն օգտագործում է մոբայլ սարքով: Քառակուսի և ուղղահայաց վիդեոների համեմատ, հորիզոնական վիդեոներն ունեն շատ ավելի փոքր տեսանելիության մակերես, այսինքն՝ հորիզոնական վիդեոյի դեպքում ունենում ենք գովազդային տարածքի կորուստ, հետևաբար և ավելի քիչ engagement: Ցանկալի է օգտագործել քառակուսի (1:1) կամ ուղղահայաց (4:5) հոլովակներ:
7. Համապատասխան վերնագիր, նկար (thumbnail):
Wochit-ը պարզել է, որ որոշակի վերանգրով հոլովակներն ավելի շատ են դիտվում, քան մյուսները: Նկարը պետք է լինի ուշադրություն գրավող, հետաքրքիր: Նաև պետք է համապատասխանի Facebook-ի 20% տեքստի կանոնին, եթե պատրաստվում եք գովազդ միացնել:
Աղբյուր՝ Wochit
Այսքանը: Դե ինչ, կիսվե՛ք Ձեր տեսակետով. ուրախ կլինեմ քննարկել: