Ettùnsi lùgha?!

Eyh! Ettùnsi lùgha ù qdima zèda, ù Hiya lùgha mkhallta bìn Lèmèzighi, Elqartàji, Ellatin, Elgħarbi, Ettorki, Lespanyòl, Ettalyèn, ù Lefronsé. Kont tagħref ecchay hèdha? Hèk wèllit tagħref! Zyèda għlè hèdha lkoll, Ettunsi għandu règlùèt mtagħ grammèr ù konjugézon bgħida Għalgħarbi. Fi Màlta qàgħdìn yestagħmlù fi lùghet’hom elli tchabbeh Lettùnsi barcha ù maqàlùch hèdhi mèhich lùgha. Fi Tùnes lèzem nagħmlù nafs ecchay!

Għlèch nektbù Bettùnsi?

Għlèch nektbù Belgħarbi ù Lefronsé mèla? Lojikmon, lèzem testagħmel lùughtek, elli hiya Ettùnsi! Nestagħmlù Felgħarbi fi jort elqawmiya elgħarbiya, ù nestagħmlù f’Lefronsé khàter Frànsa dakhlet l’Tùnes. Magħnèha, bechway lojik tefhem elli mè famma chay ykhallina mènestagħmlùch LÙGHETNA. Ghir ħàja barka, elli Hiya kifèch bech nektbù Bettùnsi… Hèdhèka għlèch talgħet ħàja esmha STUNdard…

STUNdard mellekkher…

STUNdard hiya métod mtagħ ktiba Lettùnsi testagħmel fi ħruf Latin ù elli għamluha qàgħdìn tawwa yekhdmù għlè diksyonèr biha. Magħnèha mochkelt lektiba lqinèlha solusyon.

Chnùa elli bech yetbaddel?

Bèhi, ktebna Bettùnsi, wèllina naqràw Bettùnsi, Wikipedya wèllèt mawjùda Bettùnsi, CHNÙA TBADDEL?

Elli tbaddel Hua ennek wèllit tekteb b’lùghtek, wèllit taqra biha zèda. Kèn matagħrefchi, kettelmidh yaqra b’lùghtù ennivo mtègħù yetħassen ù ywèlli yefhem khir ù akther. Zèda, nnajjmù naqdhiw għalommeya fi Tùnes. Mellekkher barcha ħwèyej tnajjem tetbaddel kèn nestagħmlù Ettùnsi!

Kèn nestagħmlù Ettùnsi felqràya, nnajjmù naqdhiw għal ommeya komplètmon!

RB: Lartiklù hèdha Hùa awwel tèst mtagħ lektiba Bettùnsi.