信用卡閑談 (18) — 獅子柏豪太空人

一場信用卡現金回贈戰

華田製圖所

劃時代的周柏豪卡

原來第一次講「周柏豪卡」，已經係超過一年之前既事，當時華田仲用「玩串個 Party」嚟形容「周柏豪卡」，講到底 1.5% 回贈已經係整個信用卡生意既毛利下限，扣埋燈油火蠟，如果可以唔洗輸錢都真係要偷笑。

無錢賺都要做，無它既，信用卡頂多只係敲門磚，攞 customer data，build relationship，再 cross sell card loan 甚至開戶口、sell 保險、sell 基金先係大茶飯。信用卡？會員卡啫～

信用卡閑談(一) — 渣打1.5%回贈 — 香港信用卡進入「零利潤時代」

太空人卡與潘朵拉的盒子

事實是，在 2018 第 4 季，市場上已有 2 張信用卡靜悄悄地突破了 1.5% 回贈這個禁忌，乾脆引刀成一快，畀夠 2%！反正我最唔缺既係錢，最缺既係客，輸少少又有咩鎖櫃。

講緊既就係代表銀聯陣型既「賺多啲卡」同 MasterCard 陣型既「太空人卡」，唔理好醜 2% 現金回贈，呢個真係好屈機，坐程車都有 98 折，7-11 買嘢有 98 折，仲可溝埋支付寶玩百佳印花、微信支付玩麥記折扣，「周柏豪卡」剪得啦。

信用卡閑談(四)—大鑊! 周柏豪卡剪得!

獅子一出，誰與爭鋒

不過近半年華田都用少咗好多「太空人卡」，因為獅子銀行真係好癲。有時候我都唔係好明獅子銀行既策略，佢唔會好似 shitty 咁講明劃一 吃飯 2%、其他 1%、亦唔似「周柏豪卡」大大聲話自己 1.5%，但係獅子會話自己張「Visa 簽名卡」係「尊享額外 3X 獎賞錢」。