銀行閑談 (151) — 又到稅季，點解AEON CREDIT 等一線財務機構值得大家考慮一下呢？

稅季又到，唔少人都會想趁平申請 tax loan 攞番少少 liquidity，純綷交稅又好，或者攞嚟做啲低風險投資，又係可行既選擇。不過就算你信貸記錄良好，還款能力完全能夠應付，tax loan 有時都唔係咁易申請。

Tax loan 作為全年最平私人貸款，銀行除咗睇信貸記錄 (主要係睇 TU 啦) 同 Debt Servicing Ratio (簡稱 DSR，即係每月還款額除每月收入) 之外，對客人既背景都會相當揀擇，即係話就算你以前還得起、將來亦還得起都好，我都唔一定借畀你架。

Tax Loan 喺 TU 同 DSR 外考慮既三大因素

雖然間間銀行既 credit policy 都唔同 (亦唔會對外披露啦)，不過一般嚟講 tax loan 都會要求良好既「職業」同「發薪記錄」，係咪即係唔做賭場找換店桑拿就叫做「良好」呢？

呢個要比你想像中難得多喇！呢度可以分「職業」、「發薪方法」、「工資穩定性」三方面嚟講。

職業嚟講，最好醫生護士律司精算師工程師公務員，次一層就係大公司白領，再低一層就係大公司藍領或者細公司白領，如果大家係一間小小工程公司既裝修師傅，咁就唔好意思。

發薪方法嚟講，最好係自動轉賬，月結單出糧嗰行要見到公司名 + SALARY ，其次就係支票出糧，最差就係現金出糧同手寫糧單喇；

最後就係工資穩定性，每月定時定額最好，依靠佣金為主要收入既次之，自僱或者兼職又會再差啲喇。

係吖，篩吓篩吓都真係好多人申請唔到，例如你係一個名店 sales (哪怕你係 top sales) 或者保險經紀 (哪怕你係 MDRT) 就好可能申請唔到，我自己就好彩仲有份正職，如果 claim 自己係全職 blogger 就肯定唔睬我喇。

AEON CREDIT等一線財務機構正填補銀行留下稅貸市場的空隙，而亦有一定競爭力喎

既然有利可圖，但係銀行又做唔到，自然就有財務公司出嚟填補市場空隙。

好多人講起財務公司，都會覺得佢哋只做一啲貸款能力好低既客人，產品既息口又一定會遠超銀行，不過呢啲都係刻版印象喇！

香港好多一線既財務公司正逐步向銀行靠近，努力尋找一啲具備「還款能力」但又因各種原因無辦法喺銀行得到貸款既客人。

以 AEON CREDIT 為例，我諗大家去親 AEON 買嘢都會畀啲職員問有無AEON 信用卡，其實 AEON Group 唔單止有百貨公司業務，仲有金融服務好似信用卡同貸款咁。我最近留意到佢哋嘅 tax…