銀行閑談 (165) - 過去十年香港硬幣量係升定跌呢？每個香港人又平均收埋幾多個銀仔呢？

最近留意到台灣出咗硬幣 ATM，方便台灣民眾將銀仔存入銀行，而這邊廂既香港就因為疫情關係暫停收銀車服務，而大家無咩事都唔會攞啲銀仔入銀行，博畀人收手續費咩！唔知大家會唔會因為咁多咗啲銀仔喺身呢？

或者大家會話其實都無咩分別，因為唔好話銀仔，事實係連 ATM 都撳少咗好多，受波叔既推動，邊個無八達通 / Alipay / WeChat Pay 呢？而家連搭的士都用信用卡 / 八達通啦！

不過大家有無諗過以香港 as a whole 咁嚟睇，喺 FPS + e-Wallet + 消費券推動之下，香港過去十年銀仔既數目到底係多咗定少咗呢？邊個面值既銀仔喺過去十年增長咗 60% 咁多呢？香港人又平均收埋幾個多銀仔喺屋企呢？呢堆神沙加埋又值幾錢呢？你又係咪屬於多銀一族呢？