El 7ayét sandwich

Mish 3arouss malfoufeh taba3 el madrasseh yalleh kenet elmama tleffa abel be layleh wittashtesh teneh yom, w tefkheta el khyara.
“baddik el khyara jouwwa amma barra?” el sou2al el azali. Akid barra mama be hal 7aleh. Jarrabna jouwwa w shefna.

El 7ayet sandwich pain de mie. Aw “slices”. W ne7na deyman bel noss beyn slicetein.

Bayneh w beyn 7aleh. Besketla/lo aw b2oul yalleh be albeh? Iza 7kit ra7 yez3alo menneh, w iza sakatet ra7 ez3al men 7aleh.
Beyn baladeyn. 3andi green card bass ma ra7 3ish be amerka la anno b7ebb lebnen. El jensiyyeh? 3omra ma terja3. Wlaww baddeh etbahdal kell ma baddeh addem 3al Schengen! Ca va! Manneh el wa7ideh!
Beyn emmeh w bayyeh:

“min bet7ebbeh aktar? Emmik aw bayyik?” mawdou3 el ensha2 el moufaddal 3and m3allmet el madrasseh. Ken baddon ya3emlo psychology m2assarin ktir be Freud. Ta y3awwdo aw be mafhoum el psychology, sublimation, bijarrbo yekteshfo 3e2ad aw yrakkbo iza ma ktashafo. Bass ana wil 3e2ad mesh as7ab. Men eyyem el kehshefeh ma ba3ref la orboton wala fekkon. Men heik betjannabon.

B7ebb el tnein. Emmeh w bayyeh add ba3don. W kif ma baddeh 7ebbon add ba3don w ana noss emmeh w noss bayyeh.

Halla2 akid el mama shi fo2 el tabi3a. enno btetkhayyalo kell marra benzal 3al ba7er w bkoun be ashadd el 7ajeh la ma7rameh (Kleenex) ana w tal3a mnel may, w bettalla3 shmel yamin la shuf iza fi shi 7ada neseh shi we7deh 3a shi tawleh… befta7 jezden el ba7er w ble2eh ma7arem mtawweyeh… we7deh wara el tenyeh. Enno fi gheir el emm momken tfakker be heik shi?
Halla2 akid iyyem el mama kamen betzida shway. Bkoun be meeting w bodhar ble2eh 567809 missed call menna. Bde22ella w bet2elleh “to2brineh… fakkaret sarlik shi.”

Enno mama be sharafik shu ma32oul yserleh be maktab?! Mish 3am ba3mel parapente! Aw lamma tde22elleh el tanen ba3ed el doher ta tes2alneh shu 3abeleh etghadda el a7ad. Ya3neh walaw bayyeh allah yer7amo ma ken 3ando boutoulet 3atifiyyeh men hal no3… b7ebbon add ba3ed. W mish nkeyeh bel m3allmeh.