How The Internet Computer Dey Take Use Small Electricity
For car business matter today, many people prefer electric cars pass the one wey dey use fuel and diesel. Why? Because electric cars no dey affect the environment for bad way.
For blockchain business matter too, them don begin to worry about the way the machine wey dey power the blockchain fit affect the environment. One interesting thing be say, many times wetin the blockchain community dey worry about na how to reduce the electricity wey the nodes machine dey use to power the blockchain. Na proof-of-work (PoW) consensus mechanism them use create Bitcoin and Ethereum, still, with this method, many people wey notice am agree say them no plan-am well.
After many years wey they don dey plan and make research, for September 15, 2022, with the help of wetin them they call The Merge Ethereum start to dey use proof-of-stake (PoS) consensus mechanism.
For this article, we go find out more about the way the Internet Computer dey affect the environment, and know how this blockchain consensus mechanism dey join to clean the blockchain ecosystem.
As we dey see this tweet from Dfinity, wey dey design things well-well for the Internet Computer Protocol, the Internet Computer dey proud say them use Proof of Useful Work (PoUW) — one special consensus mechanism wey dey different from the one wey Bitcoin and Ethereum network use. Why them change?
One reason why them change na from wetin happen before, na as people start to talk bad about Bitcoin and Ethereum network wey they use Proof of Work (PoW), and this one dey use plenty electricity and e consensus mechanism or design no good for the environment.
For blockchain like Bitcoin and Ethereum wey dey use PoW, people wey dey mine dey do competition to solve hard mathematics calculation, and this one dey use plenty computer memory and electricity. For this process, reward dey come based on the work wey the node machine hardware wey dey consume electricity dey do.
Even though say PoS system don remove the problem wey PoW get, another problem wey be like centralization risk dey, since the node machine dey work for centralize server as long as dey lock the number of tokens/coin wey they need to fit move enter the network.
According to wetin the IC technical documentation talk, na because of some of this reasons e choose say e no go use any of this method (PoW or PoS). E better make them use one new consensus mechanism (design) wey them dey call “Proof of Useful Work”, wey go quick-quick reduce the way e dey use energy and the way e dey affect the environment and even with one e still dey maintain security and decentralization.
How Proof-of-useful-work (PoUW) design be?
The Internet Computer Proof of Useful Work consensus mechanism dey use chain-key cryptography, to create new consensus mechanism wey no dey spoil the earth. Na the Network Nervous System (NNS) they control the proof-of-useful-work consensus mechanism wey dey the Internet Computer (IC).
With the help of this NNS, the IC fit control the arrangement of the software wey standard hardware node machines dey use for different location around the world. This process also dey make sure say dey select nodes to create wetin them dey call blocks, from cryptography randomness, instead of to dey use process wey dey consume plenty electricity like PoW.
How proof-of-useful-work don reduce the digital carbon footprint of the Internet Computer?
Base on the information wey dey Carbon Crowd, one active dashboard wey them dey use track the carbon wey the Internet Computer dey release, the carbon wey the Internet Computer dey release don gather reach around 953,249 kgCO2e (kilograms of Carbon Dioxide). Normal person go talk say, the energy wey the IC dey use reach to power 120 house for 1 year for inside US.
The new way the Internet Computer dey approach blockchain technology don make am one of the blockchain wey dey fit maintain our earth pass today. E don bring better important environmental benefit wey we list for under but no be only these ones dey:
1. E Dey Use Small Energy
The energy-efficient consensus mechanism no dey use plenty energy like PoW system, wey dey contribute to release only small carbon.
2. E Dey Carbon Neutral
If you reduce the energy wey e dey consume, the Internet Computer blockchain fit want become carbon-neutral or even carbon-negative, and dey work to reduce the way e dey affect the environment.
3. The Network Dey Grow and Dey Use Small Energy
Because the Internet Computer design dey easy to grow this one dey make sure say the way e dey use small energy go continue to be important feature as the network dey grow. Them no dey stop the way e dey use small energy because them want expand.
5. Na Good Example
The Internet Computer dey set example for the blockchain industry as them dey show say fine technology fit dey and make e no spoil the environment.
Note: For more information about the way the Internet Computer dey make sure say them use small energy, read one report wey them publish for October 2022 for here.
Conclusion
E go fit dey possible for blockchain technology to fit work wey e no go affect the earth? Our article don show us the wey the Internet Computer dey approach blockchain and how e want take achieve this goal. Even though say other blockchain dey also work to keep our planet safe, na the Internet Computer dey front, and e dey show say blockchain technology fit dey and make e no spoil planet earth.
This story never finish. For our next article, we go talk about how them fit use the Internet Computer blockchain for big-big company today. Until next time, thank you as you read this article, feel free to comment.
Join the Internet Computer community today
Homepage | Medium | Twitter | Telegram Discord | GitHub |
Notice: The things wey we write for here na only for educational purpose, na the idea of the person wey write am dey inside and e no dey give any business advice. If you read this article finish, we go advice you make you do more research and you fit no agree with the idea of the person wey write am if you want. Thank you.
