The Internet Computer: The People Wey Join Hand Make This Technology
Plenty people go agree say any new technology no dey just come from the code or from some kind “random evolutionary process”, instead na from the mind of the people wey create-am and their strong mind to do-am.
For our last article, we don talk well-well about some of the powerful things wey the complex Internet Computer blockchain fit do. Make we move our mind small and talk small about the people wey join hand make the Internet Computer Protocol. Make we know them well!
Put for mind: The people wey we go talk about here na the main team wey dey behind the design of Internet Computer. But e dey very important make we know say, na global team of researchers, developers, engineers, and community members, even if we no mention them here, dem still dey use their skills, experience, and passion help build the Internet Computer as e dey grow. We salute all of them.
Dominic Williams — Founder & Chief Scientist
Dominic Williams na one British computer scientist and person wey fit see far, na im bring the idea. E get background for computer science and cryptography, so e know how blockchain technology dey work well-well. The vision wey e get for decentralized Internet na im make e create the Internet Computer, one blockchain wey e design to change the way we dey use the digital world.
Watch one video wey him explain how the whole idea start for under.
Saskia Lenkeit — Head of HR
Saskia Lenkiet na another important person wey put hand for the Internet Computer design. She don get more than 7 years experience as HR Business Partner for Google, and she dey help the team for Human resource (HR) matter.
Jan Camenisch — Chief Technology Officer
Jan Camenisch, na popular cryptography expert, e also dey important for the development of the Internet Computer. E work na to make sure say the ICP security be the number one so that e go users go trust -am and e dey make sure say data no go spoil.
Lomesh Dutta — Vice President of Growth
Lomesh Dutta, wey be member for the core team, na startup growth expert and e get more than 17 years experience to dey build and scale startups. E dey make sure say people dey hear the word “Internet Computer” go reach almost every part of the world wey dey possible.
Josh Drake — Chief Operating Officer
Josh Drake na the Chief Operating Officer for DFINITY Foundation, e be dey work for Coinbase before e join DFINITY. E current position as part of the core team na to dey direct the operations of the organization to make sure say dem fit achieve their mission.
Timo Hanke — Technical Staff
Timo Hanke na Professor of Mathematics and Cryptography. E still dey play important role for the development of the Internet Computer, based on im plenty experience for Cryptography.
Ben Lynn — Technical Staff
Ben Lynn, one cybersecurity expert person, don use put wetin e sabi for the Internet Computer with more than 10 years experience as e work as senior engineer for Google.
The DFINITY Foundation — The Power Wey Dey Move Things
All this people wey get vision wey we don talk about, na them form the DFINITY Foundation, wey be the main power and designer of the Internet Computer project. This non-profit organization don put mind to push the mission of the Internet Computer wey be to decentralize the Internet and give power to the users. The foundation dey control research, development, and the community wey dey involved, to make sure say the Internet Computer no dey carry last for blockchain matter.
Finally
The Internet Computer blockchain no be just one technology tool; na proof of the hard work and vision wey the core team put. People like Dominic Williams, Saskia Lenkeit, Jan Camenisch, Timo Hanke, Ben Lynn, and the researchers for DFINITY Foundation, na them be the people wey join hand make this blockchain wey dey change things. Their experience and the different work wey them they do and as them put mind for the work dey change the way we dey see the future of Internet and blockchain technology. We dey say thank you for the work wey una dey do!
Join the Internet Computer community today
Homepage | Medium | Twitter | Telegram Discord | GitHub |
Notice: The things wey we write for here na only for educational purpose, na the idea of the person wey write am dey inside and e no dey give any business advice. If you read this article finish, we go advice you make you do more research and you fit no agree with the idea of the person wey write am if you want. Thank you.
