Analyse super le espionage per fonte aperte

Fonte aperte (in anglese: open source) es un terminologia technic que denota un producto que include un licentia pro usar su codice fonte, documentos de designo o contento. In general il se refere al modello in que le programma o altere productos se lancea sub un licentia como parte del movimento del programmation de open source. Le uso del terminologia se ingenerava con le programmation sed ha essite expandite ultra le sector del informatica pro coperir altere contentos aperte e formas de collaboration.

Le espionage es etiam un importante area de operation que pote esser classificate como expansion del concepto de fonte aperte.

Le acronymo in anglese del espionage per fonte aperte es OSINT: Open Source INTelligence.

On pote congregar le fontes del OSINT in sex categorias:

• Media (jornales, magazines, radio, television, media del citatanos como film de smartphonos)
• Interrete (publicationes, blog, gruppos de discussion)
• Datos public del governamento (reportos, listas)
• Publicationes academic e professional
• Datos commercial (bases de datos, imagines)
• Litteratura gris (litteratura e recercas producite extra le canales de publication academic o commercial)

Assi le espionage per fonte aperte devene un methodo in le qual le documentation es obtenite legalmente. Isto non es multo frequente in le mundo del espionage. In ultra illo collige un numero de informationes et opiniones plus grande que le espionage traditional.

Isto grande numero de documentos processate pote esser aliquando un problema, presertim quando on es dubitative super le credibilitate del fontes.

Hodie, le conflicto inter Russia e Ukraina representa un campo de application extrememente difficile per le OSINT. Le sanctiones bilateral ha implicate la nascentia de multe formas de propaganda sed etiam le obscuration de multiple canales de information local.

Le novas del conflicto es assatis filtrate pro le directiones editorial et on non sape que es ver e que non.

Es etiam incredibile que alicun sitos web reporta numerose informationes authentic: per exemplo, flight radar 24 monstra constantemente le position de omne le aviones, aeronaves sin pilota (drones) includite e marine traffic face le mesme cosa per naves.

Illos es certemente sitos de grande interesse per le specialista de OSINT.

Vos cognosce alteres sitos que pote esser importante pro le OSINT? Si il Vos place, invia nos le ligamines.

Per DG-GEO dg-geo@europe.com