Club nuclear
Le action militar que es actualmente conducite per le militias russe in Ukraina ha provocate multe reactiones international. Le occidente generalmente appella iste situation como invasion sed le oriente repete que le manovra es solmente un operation militar special. Le propaganda es enorme per ambe le factiones et non es facile comprender le real situation sed es certe que multe personas ha fugite in le direction de le nationes del UE. Nos debe semper condemnar le guerra et provider adjutas pro le refugiatos sed nos vide actualmente un injustificabile accrescimento de racismo contra le russos. Isto phenomeno es multo periculose. Un altere periculose phenomeno es le possibilitate de extension del conflicto conjungite con le empleo de armamentos nuclear. Russia non es le singule natione que tene bombas atomic: multe paises ha potite facer armas nuclear e hodie le sequente nationes los possede: Statos Unite de America, Russia, Regno Unite, Francia, China, India et Pakistan.
On crede que Israel equalmente ha armas nuclear, ma illes nunquam lo ha admittite. Africa del Sud olim habeva armas nuclear ma dice que illos hodie ha essite destruite.
Per DG GEO dg-geo@europe.com
