#英國生活 #英學車 #自動波

【英國學車】不停練習考試路線 Driving test routes

搵一個合適師傅好重要 | 練習考試路線 Driving test routes | 開始背熟 Show me Tell me questions

未成為 Medium 會員而又想睇到免費版文章，👉🏻請按我

目錄
1. 搵一個合適師傅好重要
2. 練習考試路線 Driving test routes
3. 開始背熟 Show me Tell me questions

| 搵一個合適師傅好重要

喺 Facebook 學車分享群組見到好多香港朋友搵學車師傅一肚氣，好多時師傅突然放飛機，又或者遲到等等。如果跟師傅學車學咗三四堂覺得唔對路，真喺盡快搵第二個師傅，唔好浪費時間同金錢。好彩我個師傅都算負責任，每次都準時嚟接我哋。有時上堂塞車，師傅都唔介意遲啲落堂。佢成日同我哋講，佢目標唔喺賺錢，而喺想要教出嚟學生可以安全駕駛，唔好做馬路炸彈，所以佢喺有小小嚴格。

我哋自問英文真喺得半桶水，開始學車時一邊聽佢講英文，一邊要俾反應，真喺有啲難度，後來先開始習慣聽師傅指示。除咗師傅不停吹水之外，其實都教得唔錯。師傅成日叫我俾信心自己，放膽去試，有咩事佢會負責，每次都喺好 Positive。每堂完結前，佢要我哋用三個正面形容詞形容今日上堂學咗啲咩，佢話 Positive attitude 喺好重要。的確喺師傅幫助下，真喺多咗好多信心揸車，而且揸車都算穩定。

| 練習考試路線 Driving test routes

每次上堂師傅帶我哋喺 Test Centre 附近練習轉彎，行 Roundabout，Emergency Stop 等等，時間許可，師傅會安排練習考試路線。英國考試路線同香港唔同，英國考試路線喺隨機，香港路線喺固定一條路試。

每次練習都有好多突發事情發生，例如行人或者小動物突然走出嚟、讓車、巴士埋站要點做、喺高速時點轉線等等。英國最常見喺路邊泊滿車，馬路唔夠位俾兩架車同時行駛，只可以搵個合適位置停靠一邊讓對方先行， Awareness and Planning 十分重要，愈早見到前面路況，你愈早計劃應該要點做。有時睇吓 Youtube 片了解吓人地點反應，自己練習又試吓，熟能生巧。

| 開始背熟 Show me Tell me questions

英國考路試時，考官會喺考試途中問你一條 Show me question 同一條 Tell me question。師傅叫我哋背熟 Tell me…