日本語の諺｜正直嘅人會見到馬鹿

新思維：馬即是鹿，鹿即是馬，都係馬鹿

Photo by Delphine SCHIEB on Unsplash

係咪一見到隻「鹿」就覺得佢係隻「馬」呢？
指住隻鹿話係馬嗰啲人咪就係「馬鹿」（ばか ba-ka）囉！

今次想講下「諺」（ことわざ），即係諺語。
所謂「諺語」就係一啲民間流傳嘅常用語，通常都包含住豐富知識同經驗，滿有智慧同教育意義嘅俗語。

例如：留得青山在，哪怕沒材燒。 一寸光陰一寸金，寸金難買寸光陰。

最近有睇下日文有咩諺語，睇完又寫下，邊分享，邊溫習。

1. 鹿を指してうまとなす

= 指鹿為馬

日中亂譯﹕指住隻鹿就話係馬
意譯﹕故意顛倒黑白、混淆是非

鹿（しか）= 鹿仔
指して（さして）= 指住
馬（うま）= 馬仔
成す（なす）= 使 / 成為
今時今日，咩係鹿，咩係馬，我都分唔清，只知一班高官都係馬鹿！

2. 正直者が馬鹿を見る

= 忠忠直直，終須乞食

日中亂譯﹕誠實嘅人會遇見傻仔
意譯﹕老實嘅人會蝕底

正直者（しょうじきもの）= 誠實的人
馬鹿（ばか）= 傻仔
見る（みる）= 見到
如果講香港人核心價值，我覺得呢個應該入圍，啲人成日話識走精面先叫叻！

呢種就係「障子」

3. 壁に耳あり障子に目あり

= 隔牆有耳

日中亂譯﹕牆壁有耳仔，障子有眼睛
意譯﹕講秘密時，要小心有人喺度偷聽

壁（かべ）= 牆壁
耳〈みみ）= 耳仔
障子（しょうじ）= 日式糊紙木製窗門
呢個日文比中文多一個景象喇，立即諗起古裝片啲人用手指戳穿個紙窗偷睇房入面嘅情景。