經典賀年電視廣告

啲廣告歌錄咗喺個腦度咁

新年流流，但又好似無乜新年氣氛，不如一齊睇返啲80-90年代嘅賀年電視廣告，睇下會唔會有返啲氣氛？又或者搵返啲兒時回憶！

仲有無人屋企有呢啲新年習俗呢？

尋日寫新年習俗講起「攢盒」一定要有瑞士糖時，個心立即哼起細細個聽過首瑞士糖賀年廣告歌﹕

瑞士糖，表心思！
瑞士糖，表敬意！
賀新年，食瑞士糖，家家令你心花放！

於是搵返個廣告嚟睇，嘩，80 年代廣告。

瑞士糖

舊還舊，但首歌好入腦，同真係聽見都幾開心！喺無乜新年氣氛下搵返呢啲舊賀年廣告睇下，好似有返少少彌補。

我覺得應該都有好多人個腦係放咗呢首歌。
我覺得應該都有好多人覺得攢盒係應該有瑞士糖。

但講起嚟，而家係咪唔係咁多地方有得賣？定我太少逛超巿？

美源髮采

恭喜發財，美源髮采，恭喜大家發財！