那些年，我在 CS 走過的日子
還蠻慶幸曾經有過這麼一份厭惡性工作
「X 你老母 XXX！你間公司正 X街！」
（我媽咪嗰陣好忙……但啲客講粗口我係會禮貌地話佢知我會收線。）「你賠 $200 coupon俾我？我 honeymoon呀！我一刻春宵只值$200？！」
（呢個人寫信時都話自己度蜜月一刻春宵值千金，知喇知喇，春宵好貴！）「其實我都唔應該鬧你，讀完大學出黎賺嗰 8千蚊人工都已經夠可憐，仲要日日俾人打上嚟 X！（奸笑）」
（我夠知我遇着你係慘，唔使提我，同埋我人工有$9000，加埋津貼有$9500！）「英小姐，我祝你今晚就俾人姦殺呀！」
（呢個客係女人，分行領隊話佢好醜樣，而佢投訴領隊抽佢水，但咒我俾人姦殺做乜啫？非禮係應該報警，唔係打去投訴！）「Sorry！我唔知點解一嬲就講英文。」
（呢位先生教書嘅，之前用啲好港式 Chinglish 係咁鬧我。律師呀教師呀醫生呀，專業人士一投訴都係特別衰。）「我老婆只係想搵一個無中國人嘅地方啫！你哋無咪講囉！」
（如果有呢個地方麻煩介紹返俾我！呢個人叫做係當年會成日喺電視見到嘅人，所以佢自覺係名人咁，成個 case佢其實不在現場，但代老婆打嚟嘈。）「我同你講，我識得李XX，我其實可以直接搵佢。」
（都係上面嗰個新聞男主播。我同上司講﹕「個客好怪，猛話自己識得李XX，我都唔知係邊個」，我上司﹕「李XX 係你老闆呀！XXXX Lee呀！英小姐！」我真係十下十下。）「唔好叫我馮小姐，叫我馮律師。同埋你知唔知平時同我傾一個鐘係要俾$5000？」（喂呀！係你打嚟投訴，唔係我打俾你傾偈㗎！）
「我想投訴個領隊個口好臭囉！」（ok，我叫佢刷密啲牙啦！）
「佢（領隊）嗰對尖頭鞋，肉酸到呢……真係頂唔順囉！」（55555）
（其實都有客讚我嘅，話我個名好似花咁靚喎 XDDD，亦有好客同無辜客……但打得上嚟都係怪獸多。）
CS - Customer Service = 客戶服務 =處理投訴
以上種種經典對白，recall出來還是記憶猶新，原聲聲帶重播一樣。
好一份「厭惡性工作」。
厭惡性的工作，不是很令人厭惡的性工作。（何德何能）
壓力很大的一份工作，記得即使下班或假期，手提電話響起，我接電話時會條件反射﹕「早晨，XX旅遊！」
