UK Life | 原來咁分 United Kingdom 、Great Britain、England

學海無涯，天天長知識

Photo by King's Church International on Unsplash

既然個人都嚟咗英國，即係洗濕咗個頭啦，咁當然要了解下關於英國嘅嘢。
蘇格拉底名言：One thing only I know, and that is that I know nothing.
學海無涯，天天長知識，鬼叫我唔識。

“One thing only I know, and that is that I KNOW NOTHING.”

United Kingdom、Great Britain、England⋯⋯

自小都知道英國係 Great Britain，但又知道 United Kingdom 都係英國，仲有 England 英格蘭⋯⋯所以 Great Britain、United Kingdom、England 喺我認知中都係英國囉！（媽呀！我好亂！）

但之前又從來無細究過 Britain、United Kingdom 同 England 點分，終於呢期游手好閒嘅我有時間好好學習下。

好，寫下學習筆記先！

United Kingdom

「UK」包含英格蘭、蘇格蘭、威爾斯同北愛爾蘭，所以係個 United Kingdom 聯合王國。

United Kingdom of Great Britain and Northern Ireland

而英國嘅官方國家名係﹕United Kingdom of Great Britain and Northern Ireland，大不列顛及北愛爾蘭聯合王國。

Great Britain

至於 Great Britain 大不列顛，原來只係包括英格蘭、蘇格蘭同威爾斯，不包括北愛爾蘭。