8| 科大計科歡迎你 — CSE Orientation Series 及9月其他活動回顧

文:瑪莉

每一年,科大都會有新面孔嘅出現,當中有想讀 CS 嘅 SENG Freshmen,或者係 non-jupas 嘅 COMP 學生,不過就算你兩樣都唔係,只要你對 CSE 有興趣,我地都好歡迎你成為我地嘅一份子!大家仲記唔記得 9 月 3–7,10–14呢段時間, Atrium 係有咁幾熱鬧呢?呢段時間就係 CSE Orientation Week (OWeek) 嘅大日子,而 CSE Orientation Night (ONight) 亦都喺 9月13號晚順利舉行。我地好希望你地都有認識到其他對 CS 有興趣嘅同伴啦!

希望你地都會感受到 CSESS 有幾 warm 啦

科大 X 計科

Orientation Week 係我地本年第一個正式招收新會員嘅時段。過到黎我地 Counter 除咗可以申請 CSESS 會籍之外,仲可以買我地 CSESS 嘅 Society Products ! 作為我地嘅會員,唔單止可以用超優惠價錢買我地嘅 Society Product Bundle ,之後報名參加任何 CSESS 活動都會有折扣優惠!仲有就係 Member 限定嘅 welfare distribution! 所有 member 都可以得到一份 CSESS 設計嘅 welfare product! 費用全免! 福利多多,你又 reg 咗做 member 未呢?

CSE Orientation Week Poster

2018年9月3號-14號,我地都有喺 Atrium 擺 counter。大家除咗可以過黎買我地嘅 society products 之外,like 我地 FaceBook/Instagram Page 都可以得到我地訂製嘅 stickers !當然啦,我地除咗「做大家生意」之外,其實都好想同咁多位 members 交流下,吹下水,互相認識。唔少 members 都有趁住空堂嘅時候過黎 counter 搵我地傾計,其實都真係幾開心! 如果大家之後嘅時間都想搵個好地方 hea ,我地好歡迎你地黎我地嘅 LG5 恆常 counter 食飯,吹水,做功課!

我地 ExCos 每日都等住同大家瘋狂吹水~

狂歡之夜 — CSE Orientation Night

玩過 CS OCamp 想同咁多位 Omates 聚一聚?或者係錯過咗 CS OCamp 但又想識返啲 CS 人?無論你係邊種人,CSE ONight 都絕對係你唔可以錯過嘅 Event !CSE ONight 已經喺9月13號晚 (OWeek 期間) 順利舉行,每組都可能有自己本身識嘅 Friends ,亦都有新嘅面孔。就係咁,一班人一齊玩吓 games ,食下糖水,抽下獎咁,開開心心咁過咗呢一晚。

新黎新豬肉,一齊玩吓 Ice-Breaking Games 先啦

ONight 當晚,我地 ExCos 都準備幾款集體遊戲俾各位同自己組嘅新朋友玩。首先就係畫畫版嘅「以訛傳訛」,一組所有人排成一直行,最尾果個人需要用畫圖表達自己嘅題目,再傳俾前面嘅組員,最後最前果個組員上台估返個名詞出黎。一開始出嘅題目都算簡單直接,所以好多組都順利估到,然後主持突然爆肚出咗條「牀前明月光」,然後就出哂事啦……

「到底由李白變咗做 d 乜???」
「你唔係咁都估錯呀?」

跟住落黎就係考戰略嘅「搶軍旗」啦!每組都需要去對方陣營搶敵方嘅旗,然後帶返去自己嘅陣營,如果途中雙方有碰撞就會全場定格並觸發 Battle — 大家需要鬥能力大小,能力小果個會被淘汏!每組每人都會有一張啤牌,跟據數字大小決定能力,「K」為之最大,而「A」代表炸彈,掂到任何人都會同對方同歸於盡!所以大家要根據自己嘅能力值調整遊戲策略,如果唔係就好快全軍覆沒架啦!

「跑得快嘅用細數字,慢嘅用 King 啦!」

玩完咁多隻 games 應該都有啲口痕想食嘢架啦,係時候食返碗好好味嘅西米露同埋涼粉啦!唔夠嘅話仲有檸檬茶同埋薯片等等嘅零食,大家都逐呢個時間同一班 friend 一路食嘢一路吹水啦!

識食一定食涼粉西米露兩溝,真心正到暈!

大家玩得咁開心,等我地 ExCos 送返啲小禮物俾大家啦!最後嘅抽獎環節,我地送咗唔少正嘢出去,其中大獎仲係 Google Home Mini 添!恭喜哂咁多位中獎嘅幸運兒呀!抽唔到你都唔緊要啦,今晚玩得咁開心,下次繼續黎 CSESS 嘅活動再抽過啦,我地等你!

恭喜哂咁多位幸運兒~ 獎品太豐富不能盡錄

其他9月活動回顧

奔跑吧! — HKUST Campus Runnnnnnnnnn

9月26號就係科大第一個 soc 之間嘅運動項目 — Campus Run 嘅大日子啦!所有選手要鬥快完成指定嘅長跑路線,路線範圍包括咗近乎全個科大校舍。無論你係咪長跑精英,只要你有體育精神,都可以代表 CSE 出戰今次 Campus Run ! 我地 CSE 嘅代表更加拎到個人全場第3名添呀! 1!2!3!CS 好波!

無論名次幾多,你地都已經係我地心目中嘅冠軍sss!

我有一個火雞夢 — CSE Information Day

各位仲讀緊中學果時有冇憧憬過科大嘅生活呢?作為 World Class in Asia 嘅大學,科大嘅知名度一直都吸引住唔少人,因為咁,科大嘅 Information Day 當然唔會少人啦!今日你成為科大嘅日子,你又想唔想同一班準科大人分享自己嘅 ULife 呢?2018年9月28號,我地一班 CS ExCos 同埋一班 CSE 同學就一齊幫 CSE Department 代言 Computer Science 呢個大家都夢寐以求嘅 Major ,以前你做問問題果個,今日終於都有機會俾你答啦!

Proud to be a CSEr! 辛苦哂咁多位啦!

想知更多?

Facebook: https://www.facebook.com/CSESSHKUSTSU/

Instagram: https://www.instagram.com/csess.ust/

Website: https://csess.su.ust.hk/home/