香港人都有的病 — 「我無知、我驕傲」綜合症
Sep 3, 2018 · 5 min read
構思呢一篇嘅時候,我係度諗,如果一個病,佢唔會即刻害死你,而且仲好廣泛咁人人都有,咁呢個仲算唔算係病。
舉個例,如果有一日,香港人突然覺得眼爆微絲血管係好型,可能係有某韓星左眼爆左微絲血管,再化個Smokey Eye黎裝飾,跟住港產明星又跟,然後人人都跟,最後變左潮流。
每個人招招起身就滴D刺激性嘅眼藥水,然後捽到隻眼爆晒血管,紅噹噹先出門口。
如果係咁,本來紅眼症一定係病黎,本來眼爆微絲血管一定係要醫嘅。但當全香港十個女人,有九個都捽爆隻眼先出街嘅時候,呢個仲係唔係病?
定係已經算係文化嘅一種?

好,咁唔講紅眼症啦,講返「我無知、我驕傲」綜合症。

