ມີຫຍັງໃໝ່ & ເຈ໋ງໆໃນ macOS Mojave(ໂມ-ຮາ-ເວ) ແດ່ ?
ຫຼັງຈາກທີ່ Apple ໄດ້ປ່ອຍ macOS ໂຕໃໝ່ໃຫ້ຄົນທົ່ວໂລກໄດ້ອັບເດດກັນ ໃນຊ່ວງທ້າຍເດືອນ ກັນຍາ 2018 ທີ່ຜ່ານມາ, ເຊິ່ງມາໃນຊື່ Mojave (ອ່ານວ່າ : ໂມ-ຮາ-ເວ)
ບາງຄົນອ່ານວ່າ : ໂມຈາເວ, ບາງຄົນອ່ານວ່າ : ໂມຈາວີ່ ແລະ ບາງຄົນກໍ່ອ່ານວ່າ : ໂມຮາວີ່, ແລ້ວຕົກລົງມັນອ່ານວ່າແນວໃດວະ ? ຂ້ອຍເລີ່ມສົນໃຈວ່າມັນອ່ານແນວໃດ ກໍ່ເລີຍແຊັດໄປຖາມທາງ Apple ຂະເຈົ້າກໍ່ບອກໃຫ້ອ່ານວ່າ “Mojave” ຫັ່ນລະ 555+ *ເອົາທີ່ສະບາຍໃຈ
ເຊິ່ງມາພ້ອມກັບລູກຫຼີ້ນ ແຈ່ມໆຫຼາຍອັນສົມກັບການລໍຖ້າຂອງເຮົາ ບໍ່ວ່າຈະເປັນ : Dark Mode (ອັນນີ້ຖືກໃຈ@ຫຼາຍ ອິອິ), Stacks, Facetime ແບບກຸ່ມ, Continuity Camera, Mac App Store ແບບໃໝ່ ແລະ ລູກຫຼີ້ນເຈ໋ງໆອີກຫຼາຍໆອັນ !!!
ໂດຍໃນການອັບເດດເປັນ macOS Mojave ສຳລັບ Macbook, iMac, Mac Mini ສາມາດອັບເດດໄດ້ທີ່ < https://itunes.apple.com/th/app/macos-mojave/id1398502828?mt=12&ign-mpt=uo%3D8 > ເຊິ່ງມີຂະໜາດໄຟລ໌ປະມານ 5.7 GB
| Dark Mode
ສຳລັບລູກຫຼີ້ນທຳອິດຂອງ macOS Mojave ແມ່ນ Dark Mode ຫຼື ເອີ້ນວ່າ : ໂໝດມືດໆ ເຊິ່ງເຊື່ອວ່າມັນເປັນທີ່ຕ້ອງການຂອງສາຍ Dark ທັງຫຼາຍ
ເຊິ່ງໃນ Dark Mode ນີ້ບໍ່ພຽງແຕ່ຈະເຮັດໃຫ້ Dock & Menu Bar ດຳເທົ່ານັ້ນ, ແຕ່ມັນຍັງເຮັດໃຫ້ Desktop ແລະ Finder ດຳໄປນຳ
| Finder
Finder ສີດຳ ເຊິ່ງເປັນບ່ອນທີ່ເຮົາໄວ້ເຂົ້າເຖິງໄຟລ໌ຂໍ້ມູນທັງໝົດຂອງເຮົາ
| Stacks
Stacks ໃນ Desktop ທີ່ຈະມາຊ່ວຍໃນການຈັດໝວດໝູ່ຂອງໄຟລ໌ທີ່ຮົກໆໃນໜ້າຈໍເຮົາໃຫ້ເປັນລະບຽບໃນພິບຕາ
ເຮົາສາມາດຈັດການກັບໄຟລ໌ຕ່າງໆຂອງເຮົາທີ່ຢູ່ໃນ Desktop ໃຫ້ເປັນລະບຽບໄດ້ງ່າຍໂດຍ ກົດ2ນິ້ວລົງໃນ Desktop ແລ້ວເລືອກ Use Stacks
| Quick Look
Quick Look ຊ່ວຍໃຫ້ເຮົາສາມາດແກ້ໄຂຮູບພາບຕ່າງໆໄດ້ແບບງ່າຍໆ ໂດຍການກົດທີ່ຮູບສໍທີ່ Tab Menu
ເຮົາສາມາດ Crop ຮູບ, ໃສ່ໂຕໜັງສືໃນຮູບ, ແຕ້ມຮູບຕ່າງໆໄດ້ແບບງ່າຍໆເລີຍ…
| Continuity Camera
Continuity Camera ເປັນການ import ຮູບພາບ ທີ່ເຮົາສາມາດໃຊ້ກ້ອງ iPhone/iPad ຖ່າຍຮູບທີ່ເຮົາຕ້ອງການໃນຂະນະນັ້ນ ແລ້ວມັນຈະ import ເຂົ້າມາສະແດງຢູ່ໃນ Macbook ທັນທີ
ໃນຕົວຢ່າງ ແມ່ນເປັນການ import ຮູບພາບເຂົ້າມາໃນ Keynote
ເຂົ້າໄປທີ່ insert >import from iPhone or iPad > Take Photo, ຈາກນັ້ນເປີດກ້ອງຖ່າຍຮູບໃນ iPhone/iPad (ໂທລະສັບ ແລະ Macbook ຕ້ອງເຊື່ອມຕໍ່ຢູ່ໃນເຄື່ອຂ່າຍດຽວກັນ) ແລ້ວກົດຖ່າຍ ເຮົາກໍ່ຈະສາມາດ import ຮູບໄດ້ທັນທີ
| Apple News
Apple News ທີ່ລວບລວມເອົາຂ່າວສານໄວ້ໃນແອັບຯດຽວ ເຊິ່ງເຮົາສາມາດໃຊ້ Tab ດ້ານຂ້າງເພື່ອຄົ້ນຫາຫົວຂໍ້ ຫຼື ໝວດໝູ່ທີ່ເຮົາສົນໃຈ
| Screenshots
ເພີ່ມລະດັບໃນການບັນທຶກພາບໜ້າຈໍຂັ້ນເທບ ໂດຍການກົດ Shift + Command + 5 ຈາກນັ້ນເຮົາສາມາດເລືອກໃຊ້ຮູບແບບການບັນທຶກໜ້າຈໍໄດ້ເລີຍ
| Mac App Store
ມີການປັບຮູບແບບໃໝ່, UI ໃໝ່, ຈັດເນື້ອຫາຕ່າງໆໃຫ້ໜ້າສົນໃຈຫຼາຍຂຶ້ນ ແລະ ທີ່ສໍາຄັນໜ້າຕາແອັບຯເປັນສີດໍາ
| FaceTime
ເຮົາສາມາດໂທ Facetime ແບບກຸ່ມໄດ້ງ່າຍໆ ໂດຍການເພີ່ມເບີໂທລະສັບ ຫຼື ທີ່ຢູ່ອີເມວຂອງໝູ່ເຮົາ, ເຊິ່ງເຮົາສາມາດໂທເປັນກຸ່ມໄດ້ ທັງໝົດ 32ຄົນ
ສະຫຼຸບ : macOS Mojave ມາພ້ອມກັບ Dark Mode, ເຊິ່ງເຮົາຈະສັງເກດເຫັນວ່າແອັບຯຕ່າງໆຈະມີໜ້າຕາທີ່ເປັນສີດໍາ ແລະ ພ້ອມກັບລູກຫຼີ້ນທີ່ຫຼາກຫຼາຍຂຶ້ນ
// ສໍາລັບໃຜທີ່ຍັງບໍ່ທັນໄດ້ອັບເດດເປັນ macOS Mojave ແມ່ນສາມາດອັບເດດໄດ້ທີ່ < https://itunes.apple.com/th/app/macos-mojave/id1398502828?mt=12&ign-mpt=uo%3D8 > ເຊິ່ງມີຂະໜາດໄຟລ໌ປະມານ 5.7 GB
Thank you
- Help.apple.com
- Apple
#Apple #macOS #Mojave #OS #DEKIT_PROJECT