ສ້າງຮູບ 3D Photo ລົງ Facebook ງ່າຍໆ ດ້ວຍໂປຣແກຣມ Photoshop
…
ສະບາຍດີ, ດຽວຈະມາແນະນຳວິທີສ້າງຮູບ 3D Photo ລົງ Facebook ງ່າຍໆ ໂດຍໃຊ້ໂປຣແກຣມ Photoshop
// ສໍາລັບຄົນທີ່ຍັງບໍ່ເຄີຍສ້າງ 3D Photo ກໍ່ລອງເຮັດໄປນຳກັນໄດ້ເດີ້
ກ່ອນໜ້ານີ້ ຫຼາຍຄົນກໍ່ອາດຈະເຄີຍເຫັນ ຫຼື ສ້າງ 3D Photo ລົງ Facebook ມາກ່ອນແລ້ວ, ສະນັ້ນ ຈະບໍ່ຂໍເວົ້າຫຍັງຫຼາຍເນາະ ເຮົາມາລອງສ້າງ 3D Photo ກັນເລີຍຍຍຍ !
1. ເປີດໂປຣແກມ Photoshop ຂຶ້ນມາ
// Photoshop ເວີຊັ່ນໃດກໍ່ໄດ້ເດີ້ ເອົາທີ່ສະບາຍໃຈ
2. ເລືອກຮູບທີ່ເຮົາຈະເອົາມາສ້າງ 3D Photo
// ໃນຕົວຢ່າງແມ່ນຈະໃຊ້ຮູບ ຊື່ Mac.jpg
3. ເປີດຮູບໃນໂປແກຣມ Photoshop ໄດ້ເລີຍ
ຈາກນັ້ນ ໃຫ້ເຮົາສ້າງຮູບໃຫ້ເປັນ Depth Map (Depth Map ເປັນຮູບຂາວດໍາ ເປັນການລະບຸຄວາມເລິກຄວາມຕຶ້ນຂອງຮູບ) ໂດຍເຮົາຈະມີການ Die-Cut ຮູບທີ່ເຮົາຕ້ອງການແຍກຮູບໃຫ້ເປັນມິຕິ (ດັ່ງຕົວຢ່າງ)
// ສໍາລັບວິທີການ Die-Cut ຮູບແມ່ນໃຊ້ເຄື່ອງມື Pen Tools ຫຼື Quick Selection Tools ໄດ້ເລີຍ ຈາກນັ້ນເທສີລົງໄປໄດ້ເລີຍ (ດັ່ງຮູບ ຂ້າງເທິງ)
ອີງຕາມຕົວຢ່າງ ເຮົາແຍກໃຫ້ເປັນ 3 ສ່ວນ ໂດຍມີຫຼັກການງ່າຍໆຄື :
- ສີຂາວສຸດ ຄືສ່ວນທີ່ຢູ່ດ້ານໜ້າສຸດ ຫຼື ສິ່ງທີ່ເຮົາຢາກໃຫ້ເດັ່ນ ແມ່ນໃສ່ສີຂາວໄປເລີຍ
- ສີດໍາສຸດ ຄືສ່ວນທີ່ຢູ່ດ້ານຫຼັງສຸດ ເຊິ່ງເຮົາສາມາດໄລ່ສີໄດ້ຕາມຄວາມເໝາະສົມເລີຍ
ນັ້ນສະແດງວ່າ ເຮົາສາມາດໄລ່ສີຈາກແຈ້ງສຸດ(ສີຂາວ) ໄປຫາມືດສຸດ (ສີດຳ)ໄດ້ຕາມໃຈເລີຍ
4.ຫຼັງຈາກທີ່ເຮົາ Die-Cut ແລະ ເທສີໃສ່ໝົດແລ້ວ ໃຫ້ເຮົາກົດ Save ຮູບໄດ້ເລີຍ ໂດຍໃຫ້ເຮົາຕັ້ງຊື່ຮູບທີ່ເຮົາເຮັດໃຫ້ເປັນ Depth Map ຄືກັບຮູບທີ່ເຮົານໍາມາແຕ່ງ ແຕ່ໃຫ້ເພີ່ມ _depth ໃສ່ດ້ານຫຼັງຂອງຊື່ຮູບ
// ຕົວຢ່າງຖ້າເຮົາມີຮູບຊື່ Mac.jpg ແມ່ນໃຫ້ເຮົາ Save ເປັນ Mac_depth.jpg
5. ຈາກນັ້ນ ໃຫ້ເຮົາອັບໂຫຼດຮູບທັງສອງໄຟບ໌ລົງ Facebook (ຜ່ານ Web browser) ໄດ້ເລີຍ
ລະບົບຂອງ Facebook ກໍ່ຈະສ້າງ 3D Photo ໃຫ້ເຮົາໂດຍອັດຕະໂນມັດ
ພຽງເຮົານີ້ເຮົາກໍ່ຈະມີຮູບ 3D Photo ເທ່ໆ ລົງ Facebook ຄືໝູ່ແລ້ວ
// ຖ້າໃຜມີຄຳຖາມ ຫຼື ສົງໄສໃນໂຕໃດສາມາດຖາມໄວ້ໃນ Comment ໄດ້ເລີຍເດີ້
ຂອບໃຈ !