19 настад хэлэх нь
Published in
2 min readMar 23, 2022
- Үерхлүүдийг битгий өөрөөсөө түлхээрэй.
- Аав ээжийгээ үргэлж буруутгаж явдагаа болиорой.
- Өөрийнхөө үеийн, боломж шал өөр хүмүүстэй өөрийгөө жишиж сэтгэлээр бүү унаарай.
- Чамайг гэх хүн бүрийг бүү өөрөөсөө түлхэж байгаарай.
- Шүдээ сайн үзүүлж, эмчилгээ хийлгэж, шүдээ хайрлаарай.
- Олон зүйлд сонирхож болох ч үнэхээр сайн чадах нэг зүйлээ олж илрүүлээрэй.
- Гэр бүлийнхээ байдлаа бүү нууж, ичиж байгаарай.
- Хэт сайн охин байх гэж бүү өөрийгөө хүчилж байгаарай.
- Үргэлж гэрийнхний зөв байдаггүйг ухаарч өөрийнхөө хүсэл мөрөөдөл, хайр дурлал, мэргэжил сонголт гэх мэт ирээдүйн том асуудалдаа эхлээд өөрийгөө сонсож шийдвэр гаргаж байгаарай.
- Ядаж нэг спортоор хичээлээрэй.
- Сайхан сэтгэл, гэнэн байдлаараа гаргасан шийдвэртээ бүү харамсаж байгаарай.
- Гайхан бишрэх, магтах, шинэ зүйлийг сонирхох, гоо сайхныг үнэлэх үнэлэмжээ бүү гээгээрэй.
- Амьдралд бүү яараарай.
- Жинхэнэ чиний зан араншин л биш бол эмэгтэй хүний бардам зан гэж хэь битгий нэг тал харж туйлшраарай.
- Санаа бодлоо нээлттэй байлгахын тулд олон хүнтэй харьцаж, ойлголцож сураарай.
- Ямар ч хүнтэй ямар ч сэдвээр ярилцах хэмжээний мэдлэгтэй болоорой.
- Эмх цэгц ч байна уу? талаар нэг тарах замбараагүй байдал ч байна уу өөрийн тухтай орчноо таньж мэдээрэй.
- Мэргэжил, ирээдүй зорилгоо олоогүй байвал битгий яараарай. Амьдарч байх явцад ямар ч хүний хүсэл мөрөөдөл хувисан өөрчлөгддөг юм шүү.
- Эцэст нь хэлэхэд өөрийгөө илүү хайрлаж байгаарай.
- Өөртөө зөөлөн хандаж сураарай.
- Гэхдээ юу ч болсон байсан өнгөрсөндөө харамсаж цагаа бүү үрээрэй.
- Яг одоогийн бие, би-дээ сэтгэл хангалуун байгаарай.