交換社區計劃 Vol.1「迷失葵芳」夜遊
Published in
Nov 3, 2020
葵芳固有刻版印象：新都會廣場，葵廣，葵青劇場，黨鐵紅色線
放工時間，人來人往嘅程度不比旺角遜色，亦為我夜晚迷失葵芳掀開序幕。
葵廣!? 尋找港式茶記本地薑💛|
朋友建議去一間黃店食個晚飯先，預先用Open Rice留咗座，自作聰明的我見到地址係葵芳廣場地舖心諗我去過啦，葵廣啊嘛，之前都去過掃街食好西，於是出閘之後咪向人頭湧湧既葵廣進發，點知行哂成層G/F都一無所獲，打電話搵朋友打救，先發現平時大家所講嘅葵廣全名係叫葵涌廣場，唔係葵芳廣場…
千辛萬苦迷失葵芳差不多成粒鐘終於行返正軌，體力透支之際時最好當然係食好西補充返d體力，食咗個焗咖喱魚柳飯都幾惹味又唔會太油膩。
地址:葵芳興芳路177號葵芳廣場地下18號舖
依山而建的葵盛邨
之前見網友夜攝葵盛邨好靚，食飽飽就向半山進發，經興盛路遊樂場樓梯向上行到葵盛圍，隨心向右行見到一群熱血青年係葵盛圍遊樂場籃球場一較高下，涼亭下有少數族裔玩緊板球，遊樂場盡頭可以欣賞到一排排燈火通明既高樓大廈。
雖然區內地鐵站命名為葵芳站，但這並非是正式地名，較準確的地名應為「醉酒灣」或「下葵涌」。葵芳在填海前稱為醉酒灣(Gin Drinkers Bay)，又稱醉翁灣、垃圾灣，現時葵芳站正位於前葵涌醉酒灣堆填區(1979年關閉)。
特別嗚謝葵芳導賞員 Debbie
交換社區計劃 Vol.1(15 Oct 2020)
