Econ記者
Dec 27, 2018 · 3 min read

其實我今年特別鐘意睇曼聯

因為每次戰術只係改少少,個效果差異都可以好大。呢樣野係球隊強勢時係睇唔到架~

https://twitter.com/ManUtd?ref_src=twsrc%5Egoogle%7Ctwcamp%5Eserp%7Ctwgr%5Eauthor

老實講,其實季初由摩連奴教嘅曼聯賽事雖然踢得好難睇,但好多次後上追和/反勝入面,都會睇到摩連奴係戰術上嘅微調,原來效果可以好唔同。

但睇左差唔多半季,中堅不穩嘅問題摩連奴都係無解決到。有趣嘅係當蘇斯克查上任,加上費Sir前助手 Mike Phelan嘅調整下呢個問題就有好大嘅改進。而最有趣係佢地開出嘅處方,反而係減少後防人手,並且對中堅有更多要求,結果反而係兩位中堅 — Lindelof同Jones — 嘅表現更穩建。

後防減少人手,即係好多時候得兩位中堅留守,甚至好多時其中一位中堅可以助攻,同埋上中場掃蕩;當然,一個重要嘅調整係兩位中場中要係攻堅時留後少少,同中堅做即時補位。

中堅工作量多左,其實更準確嘅講法係中堅覆蓋嘅範圍大左好多,基本上個要求係不論兩閘定係中後場,中堅要做第一時間嘅攔截。

得兩個中堅,而佢地又要離開自己個位去做第一時間攔截,理應令後防空位多左,但實情係對手難以越過防綫。老土都要講句,足球就係咁有趣嘅運動;防守唔係講人多,後防無法做到密集式抵抗,其實可以改用中前嘅緊迫密集,舒緩自己後防所受嘅壓力,即係要有出錯,都只留係中場出錯,而中堅就係做補錯補漏嘅角色。

個人而言,我認為摩連奴個種防守設置較強;中堅係所謂嘅Limited Defender,要做嘅就係集中解決對手前鋒任何威脅,踢法要簡單而有效率,引對手進迫至己隊後場,再迅速搶走控球,再創造反攻。係呢種設置下,後防要覆蓋嘅範圍有限,處理嘅工作有限,但考驗一到就要成功處理。

換言之,對中堅嘅要求唔只係防守意識,更重要係紀律同效率。

個人認為最有趣嘅觀察,係Jones係呢種紀律要求下近兩年愈踢愈差,似係無能力應付摩連奴防守設置嘅要求及壓力。但當變回較接近費Sir年代嘅設置,變返一個覆蓋範圍廣闊嘅多功能中堅,佢一下就變返頂級水平。

其實「有限中堅」設置明明係好適合能力不高嘅球員,但可能Jones「能力太高」,兩年幾都適應唔到,壓力下變型同長傷。我本來係Jones嘅擁護者,但近期嘅轉變令我明白到佢最大嘅問題,可能係適應力好低,只有一種踢法,同普巴一樣。

當然,另一個講法可以話足球同做人一樣,有啲野夾唔黎就夾唔黎,無得強求。

Thinking Out LOUD

Econ記者主編Cloud係網上嘅胡言亂想

Econ記者

Written by

專注寫經濟學同國際經濟嘅獨立記者 | 我個網站係 http://econreporter.com

Thinking Out LOUD

Econ記者主編Cloud係網上嘅胡言亂想

Welcome to a place where words matter. On Medium, smart voices and original ideas take center stage - with no ads in sight. Watch
Follow all the topics you care about, and we’ll deliver the best stories for you to your homepage and inbox. Explore
Get unlimited access to the best stories on Medium — and support writers while you’re at it. Just $5/month. Upgrade