籌旗失敗鳥
(係咪要著草架啦?)🤨
Sep 1, 2018 · 1 min read
係6月底發起嘅「Econ記者籌旗行動」,目標係9月前要有200位讀者出資30元贊助,並希望可以將呢個贊助計劃轉化每月一次,成為本網長期營運資金來源。
可惜,第一個階段嘅籌旗行動已經失敗。目標200個讀者,最後只有138位讀者出錢資助(當中仲有6位讀者資助多於一次-_- )。
在此,我誠心多謝各位嘅支持,並要為籌旗失敗致歉。行動失敗本人難辭其咎,明顯可見Econ記者係為讀者提供有價值資訊方面,遠未做得足夠。
對於Econ記者嘅前路,老實講我暫時都未有一個詳細嘅計劃,只有一啲零碎嘅諗法。目前會做嘅第一個改革,就係Econ記者網站會設有Paywall,而係Medium嘅內容亦會設為paywall保護。
係可見嘅將來,Econ記者相信仍然會存在嘅,只係暫時有啲迷途,未知實際去向。

