Member preview

點解聯邦儲備利率愈來愈高?

早前講過,實際聯邦儲備利率(Effective Fed Fund Rate)已經升至2.2厘,與IOER(多餘儲備利率)達一水平。

尋日(11月8日)聯儲局公佈嘅議息結果一如預期維持不變,但其實會前唔少分析都係度諗,聯儲局會唔會要決定維持聯儲利率目標不變嘅同時,下調IOER?當然,最終聯儲局決定一切不變,但唔少市場人士都預期,下次聯儲局加息(即調高聯儲利率目標)25點子嘅同時,IOER嘅升幅應該又會少過25點子,令IOER同聯儲利率目標區間上限愈黎愈遠。

一個重要嘅問題係 — — 點解聯邦儲備利率愈來愈高?

聯儲局嘅解釋係美國國債供應上升,令債息走高。當債息上升就令貨幣市場嘅回報(例如Repo既利息回報)隨之增加,咁就令銀行將資金放係聯邦儲備利率市場嘅動機下降(因為貨幣市場嘅利­息回報相對較吸引),聯儲利率市場嘅資金供應減少,就令聯儲利率有上升趨勢。

咩原因美國國債供應上升呢?去年底美國政府推行嘅減稅政策令美國財赤上升,因此要為發國­債融資,此為重要成因之一。

另一個原因係聯儲局正縮減資產負債表,每個月該局都容許大批美國國債持債到期而唔再買入(目前每個月有300億美國國債唔會再融資),咁就會令市場要消化嘅國債供應相對上升。

補充一句就係由於今次係出現IOER同實際聯儲利率一玫後,首次嘅FOMC會議,可以預期會議記錄會對呢個情況有一定篇幅嘅討論,值得留意。