Brexit終於步入好好睇嘅階段 :)

我唔係一個熟識英國政治嘅人,但我年多以黎都每日追看Brexit嘅新聞,因為我覺得好精采。一年幾,其實談判幾乎無寸進,但每日都有「新」嘅新聞出現,既精采又神奇。

不過,一般而言好難同無跟開嘅人傾Brexit,因為佢地總係會用一句「咪又係咁,都無變過」呢句萬能Key黎拒絕接受啲「新聞」。除非英鎊大升大跌,真係好難令呢批人有興趣討。

經過今個星期嘅歐盟峰會,一切都唔同晒。因為大家終於覺得有「No Deal」嘅可能性。


發生咩事?可以睇下歐洲動態呢篇相當精采嘅

歐洲理事會主席圖斯克(Donald Tusk)公開表示,Chequers Plan內有關日後歐英貿易關係及愛爾蘭邊境問題的部份「並不可行」,要求英國修改方案,還訂出限期,必須在10月18日的歐盟峰會上確認到歐英有很大機會達成協議,他才會在11月加開另一場峰會來確認達成協議,否則便不會有11月峰會。

11月開峰會可以算係英歐兩國要達成脫歐同埋未來關係嘅基本協議最後期限,因為下年3月底就係Article 50嘅兩年期限到期日,11月仲未傾得成就好難有時間俾歐洲議會同英國國會審批。

https://www.bbc.com/news/uk-politics-45586010

依家嘅問題就係歐盟諸國表示唔接受May 姐嘅Chequers Plan;重點就係英國係望可以係貨物貿易上同歐盟維持無邊關嘅設定,歐盟關稅會由英國係境內代收,而英國將採用同歐盟一致嘅貿易法規。

呢一系列嘅設定,就係為左確保北愛爾蘭同愛爾蘭可以各處英國同歐盟境內,但仍然唔需要有實體邊境設施。

不過,Chequers Plan亦強調英國會終止參與歐盟嘅人口自由流動政策,呢點就係歐盟表示唔太接受嘅地方。但無Chequers Plan而英國又要退出歐盟嘅話,北愛邊境問題又點算呢?

歐洲動態咁講:

「世貿模式」下,北愛爾蘭與愛爾蘭共和國一定出現關稅、人民出入境等邊境檢查,這個是嚴重危及愛爾蘭的安全問題,潛在有機會導致暴力衝突。這個,就不是上面所說的大家挨窮這麼簡單。

May姐尋日(9月22日)就開記者會,擺出一副戰鬥格嘅樣,係講話入面表示歐盟依家唔接受Chequers Plan,歐盟就要諗一個可行嘅替代方案。即係,將個波大腳踢去歐盟後場,作為暫時解圍嘅方法:

咁之後事情會點發展? Jeromy-Yu von 寰雨膠事錄 最新嘅呢篇就引述左倫敦時報嘅報道:

值得留意呢一點:

據歐盟外交官表示,「謝閣方案」(Chequers Plan)方向是對的,但歐洲方面覺得邊境檢查科技落實需時,希望可以實驗同有時間建立好系統,而這段時間,應該應該留在關稅同盟之內。

Chequers Plan其實未必唔可行,但依家英歐兩國要解決嘅係溝通問題。一下子兩面搞到咁僵,對May姐係今個月嘅保守黨大會係好事定壞事,就係其中一個大疑問。

Jean-Claude Juncker尋日咁講:

“We have to be careful, like two hedgehogs who love each other,” Juncker said. “When two hedgehogs embrace, they have to watch out that they don’t get scratched.
“We’re not at war with Britain,”

或者,No Deal的確係英國一個可用嘅談判籌碼,因為歐盟都唔係太想呢個情況出現。