هل ال STO
هو الحل ؟!
خمسة بلوك تشين : ال
STO
بعيون بلوك تشين ديفلوبر
توضيح مهم ،
اللى مكتوب هنا مجرد افكارى الحاليه عن ال
STO
بعد قراءه متعمقه فيه ، ربما اكون مخطئة ، واكيد انا برحب باى حد يوضح لى خطأى
ملحوظة * تنسيق العربى مع اﻻنجليزى على ميديام مش لطيف خالص فباضطر اخليهم فى سطور منفصله
لو عاوز تقرا النسخه اﻻنجلش
بتفكر تعمل STO ?
عندك فكرة حلوة كده وعاوز تجيب ليها تمويل ؟
استنى استنى .. اقرا اﻻول
قبل ما نتكلم عن المشاكل القانونية اللى ممكن تخليك مشرف فى ابو زعبل بعد ما كنت ديفلوبر قد الدنيا ، خلينا نحكى الحكاية من اﻻول :
ما قبل البلوك تشين:
كانت الشركة بتروح تعمل اكتتاب عام IPO
كطريقة لجمع المال مقابل بيع حصة معينة من أسهم الشركة، مشكلة الطريقه دى انها كانت كانت طويله ومرهقه ومعقده ع اﻻخر
عصر جديد وبيزنيس موديل جديد
مع بزوغ نجم البلوك تشين فى المشهد بفكرها الثورى ، استحدثت بيزنيس مودلز جديدة تواكب وتتوافق مع طبيعة البلوك تشين تكنولوجى اللى كانت فى أساسها ثورة على تمركز القوى ﻻعادتها فى يد اﻻفراد ، ال
ICO
كان أحد هذه المولدز ، اللى من خلاله تقدر تحصل على تمويل دون الحاجة للمعاناة مع البروسيس المتعبه لل IPO
فلو عندك فكرة واعدة ، مش محتاج اكتر من عرض فكرتك ، ويب سايت بسيط ، وشوية توكنز تبيعهم وتحصل على التمويل اللى تقدر بيه تنفذ فكرتك .
كلام جميل قوى ، ايه المشكلة ؟!
المشكلة ان ال ICO
دى مش خاضة ﻻى قانون يحميها خالص و فيه محتالين كتير وغسيل أموال وليله كبيرة حضرتك ، وده ادى الى ان مستثمرين كتير جدا خسروا فلوس كتير ،فلو بصينا على التقرير ده ، هنلاقى ان نسبة 58% من التوكنز دى فشلت فى تحقيق التمويل المطلوب ، او اختفى اصحابها لما حققوا التمويل “ حرفيا فص ملح وداب “ ، و 42 % فقط عملو توكن سيل ناحج ،
بس الحكومات مش نايمه على ودانها ، متابعه و بقلق ، واول ما حصل ال
DAO Attack
واللى فيه الهاكرز سرقوا حوالى 50 مليون دولار ، اصدرت
SEC “
هيئة الأوراق المالية والبورصة الأمريكية” بيان بتقول فيه ، ستوب اللعب .. اى
ICO
مش متسجل عندنا ، هيبقى غير قانونى يضع اصحابه تحت طائلة القانون ،
وبدانا بقى نسمع عن مصطلحات جديدة زى security token , utility tokens & STO
ايه الحاجات العجيبه دى ؟
ببساطه ال utility tokens
استثمار مقابل خدمه او منتج ،ده توكن ببيعه ليك وبوعدك ب خدمه ما او منتج ما
انما ال security token
استثمار مقابل ربح ، انا ببيعه وبقولك خد التوكن ده وهتحقق ربح ، يعنى خده بجنيه وكمان شهر هتبيعه ب 10 مثﻻ
طب اعرف ازاى ان التوكن بتاعى هو security token
ببساطة إذا كان يفي بالمعايير دى:
- إنه استثمار مقابل المال
- استثمر في مشروع مشترك
- هناك توقع للربح من عمل المروجين أو الجهات الخارجية.” يعنى اللى هيشتغل مش المستثمر ، ﻻ حد غيره
طب وايه ال STO ؟
شكل جديد من ال ICO و IPO
،بتحاول الشركة جمع الأموال بشكل قانوني ، عن طريق بيع الأسهم الفعلية للشركة للمستثمرين. محاولة للتخفيف من سلبيات
ICO و IPO
، يعنى هو خاضع للرقابة القانونية بس مش بيتطلب نفس العناء الموجود فى
IPO ،
لذلك فيه اهتمام كبير بيه
هل الدنيا بمبى وكله حلو وجميل وﻻ فيه مشاكل ؟
الحقيقه اه فيه مشاكل مفيش حاجه مفهاش عيوب ، على الرغم من مميزات ال
STO زى
- زيادة مسؤولية الشركات
- الحد من احتمال الاحتيال
- اقتراح لحماية حقوق المودعين في حالة إفلاس الشركة
مظنش ان
STO هو الإجابة.
المشكلة من وجهة نظري هي أنه يضع قيود كتير على الاستثمار والابتكار ، كمطور لو منتبهتش لنقطة صغيرة ، ممكن تﻻقى نفسك تحت طائلة القانون و التحقيقات دى مش بسيطه وسهله وسريعه ، ﻻ خالص زى ما بيشرح
Jason Somensatto
المحتملة التي تواجه المطورين الآن.
والمشكلة اﻻكبر من وجهة نظرى انك بتفرض عليها قوانين تناسب بيئة مختلفه ،
ازاى قوانين اتعملت ل حاجات مركزيه تتطبق على حاجات غير مركزيه ونعتقد ان الدنيا هتكون جميله ؟!
فرض قوانين صارمه بخصوص التمويل ، بدل من ابتكار حلول جديدة تواكب روح هذه التكنولوجيا هيشكل مشاكل كتير وهياثر على سرعة نمو التكنلوجيا دى .
مبقولش ان اانا نسيب الوضع زى اﻻول ، بس بنادى بابتكار حلول جديدة تناسب طبيعة التكنولوجى ، بنادى بمساحة من السماح مع توضيح ان المستخدم او المستثمر هياخد الخطوه دى على مسؤليته الشخصية ، مفيش ابداع بيتم فى وسط خوف من السجن او جوع ، القوانين الفعالة مع اﻻنظمه المركزيه ، مش هتكون فعالة بل مضرة للانظمه اللامركزيه ،
تخيل ايثريوم او ايوس لو مكنشوش عملوا
ICO
بتاعهم ؟ هل كان ممكن يوصل التطوير للمستوى الحالى ؟
طب هل كانو يقدرو يقدرو يعملوا STO ?
معتقدش
مؤمنه ان زى ما البلوك تشين أنتجت شكل جديد من السيكيورتى مصادم للشكل التقليدى للانظمه المركزيه القائمة ، هتنتج قوانيها لبيزنيس موديلز آمنه ، واللى لو خنقناها ، هنخسر كل المنافع اللى هتجيبها لينا ،
ناهيك ان جزء كبير من اﻻمان ﻻبد ينبع من وعى الفرد ، نسبة كبيرة من المحتالين بتستغل عدم وعى الفرد والرغبة الملحة للمكسب السريع ، فجزء كبير من حل المشكلة هو رفع نسبة الوعي ، لذلك انا اامل ان يكون فيه نوع من التفاهم والحلول الوسطى اللى تسمح للتكنولوجى دى انها تتنفس وتبدع ، وتحمي حقوق اﻻفراد بدرجة ما
كلمة أخيرة :
STO
مش هو الحل ، ممكن يكون حل كويس فى حالات معينه بس اكيد مش لكله ، ويكمكن ده سبب ان بعض المشاريع تميل إلى استخدام المبيعات الخاصة
private sales
لتجنب مشاكل STO.
عاوزين حلول وسط للسماح للتكنولوجيا بالتنفس وحماية حقوق الأفراد بدرجة ما . أنا متأكدة أننا هنشوف أفكار كتير مبتكرة قريب قوى .
مراجع :
ICOs Are out of Fashion: The New Trend Is STOs
Security Tokens Explained for Beginners (Everything You Need)
The DAO Report: Understanding the Risk of SEC Enforcement
The Official Guide To Tokenized Securities
Security Token Offerings (STOs) — What You Need To Know
The Pros and Cons of Security Token Offerings (STOs)
STOs and Security Tokens Explained (simply)
How To Run A Successful Security Token Offering In Compliance With New SEC Guidance
Disclaimer: The views expressed by the author above do not necessarily represent the views of the Ethereum Foundation.
