Քույր քաղաքներ․ Անտանանարիվու
Վաղ թե ուշ նորից կկարողանանք ճամփորդել արտասահման։ Մինչ այդ՝ Երևանի քաղաքապետարանի տուրիզմի բաժնի և զբոսաշրջային տեղեկատվական ինֆո կենտրոնի հետ համատեղ ներկայացնում ենք Երևանի քույր և գործընկեր քաղաքների գլխավոր տեսարժան վայրերը։
Մադագասկարի մայրաքաղաք Անտանանարիվուն 1981 թվականից հանդիսանում է Երևանի քույր քաղաքը: Հիմնադրվել է 17-րդ դարի առաջին կեսին մերինաների Անդրիանզակա թագավորի կողմից։ Մերինաների լեզվով քաղաքի անվանումը նշանակում է «1000 գյուղ» կամ «1000 զինվորների քաղաք»։ Անտանանարիվուում են գտնվում Մադագասկարի գլխավոր համալսարանները, կրթօջախները, գրադարանները և թանգարանները։
Անտանանարիվու (Antananarivo)
Այս գեղեցիկ քաղաքում կան շատ հետաքրքրաշարժ վայրեր: Դրանցից մեկը Անտանանարիվուի Ռովան (The Rovä of Antananarivo) է: Բլրի վերևում գտնվող Անտանանարիվուի Ռովան Իմերինա Թագավորության խորհրդանիշներից մեկն է: Թագավորական պարիսպի ներսում կա մի եկեղեցի, զանազան պալատներ՝ ներառյալ թագուհու պալատը: 1995 թ.-ին այրվելուց հետո Ռովան վերակառուցվեց և շարունակեց մնալ որպես մի վայր, որն արժե այցելել՝ վայելելու ներքևում գտնվող քաղաքի հիասքանչ տեսարանը:
Անտանանարիվուի Ռովան (The Rovä of Antananarivo)
Անտանանարիվուի Վերին քաղաքը (The Upper Town) տեղակայված է լեռան լանջին՝ Ֆարահովիտից մինչև Թագուհու պալատը և հայտնի է իր բազմազան և հագեցած ճարտարապետությամբ՝ ներշնչված բրիտանական և ֆրանսիական ոճերով: Փայտից փորագրված պատշգամբներն ու կարմիր աղյուսով տները կազմում են գունագեղ բլուրը: Բլրի գագաթից բացվում է հիասքանչ տեսարան:
Վերին քաղաքը (The Upper Town)
Անտանանարիվուի սրտաձև լիճը` (Lake Anosy), գտնվում է քաղաքի հարավային մասում: Հատկապես հաճելի է հոկտեմբերին, երբ նրա ափերին ձգվող ջակարանդա ծառերը ծածկված են մանուշակագույն ծաղիկներով: Ափին միացված կողմում՝ սալաքարերի վրա, կանգնած է մի մեծ ոսկե հրեշտակի արձան։ Ֆրանսիայի կողմից կառուցված արձանը՝ «Մահացածների հուշարձանը», նվիրված է Առաջին Համաշխարհային պատերազմի զոհերին։ Այս պահին խորհուրդ չի տրվում քայլել այս տարածքով, այնպես որ Անոսին գնահատելու լավագույն միջոցը Հաուտ-Վիլլ քաղաքի տեսակետներից դիտելն է:
Սրտաձև լիճ (Lake Anosy)
Անտանանարիվուում կարելի է այցելել Ցիբազա այգի, որտեղ գտնվում է բուսաբանական և կենդանաբանական այգին (The Botanical and Zoological Garden of Tsimbazaza):
Ցիբազայի բուսաբանական և կենդանաբանական այգին (The Botanical and Zoological Garden of Tsimbazaza)
Խոհանոցը
Խոհանոցի գլխավոր բաղադրիչը բրինձն է` համադրված մսով, պանրով, բանջարեղենով , ծովային ուտեստներով և տարատեսակ համեղ սոուսներով:
Կերակրատեսակները Ասիական երկներից մեծ մասին նման են, սակայն գլխավոր բնութագրիչն է համարվում կանաչ այրող պղպեղը, որը ավելացնում են բոլոր ուտեստներին: