Амьдралынхаа хамгийн олон цагийг өнгөрөөж буй ажлын газрын уур амьсгал таатай, дулаан байх нь бидний бүтээмж, эрүүл мэнд, тогтвор суурьшилд нөлөөлж байдаг. Нито-гоор дамжуулан ажлаа сольж буй хүмүүс дунд ч хамт олны соёл хамгийн гол хүчин зүйл гэж үздэг хүмүүс бий. Тийм ч учраас бид компаниуддаа багийн соёлоо сайжруулах тухай зөвлөгөө, сургалт, арга хэмжээг тогтмол хүргэхийг хичээдэг. Энэ удаад бид Нито-гийн хамт олны мөрддөг зарчим, аргуудыг тусгасан Нитосутра-гаасаа толилуулж байна. Аз жаргалтай, бүтээмжтэй, бүтээлч уур амьсгалыг баг дотроо бүрдүүлэхэд идэвхтэй оролцоё гэвэл эдгээр зарчмуудыг дагаад үзээрэй.

1. Speak up: Санал бодол, хүсэл эрмэлзэлээ нээлттэй илэрхийл. Дуу хоолойгоо сонсго. Эсвэл бич. (Имэйл бичмээргүй бол багийнхаа chat дээр бичсэн ч болно) Хүсч буй зүйлсээ чимээгүй хүлээгээд суулгүй, өөрөө тодорхой хэлж, хийж бай. Баг хамт олны уур амьсгал багийн гишүүн бүрээс хамааралтай.
2. Listen: Бусдынхаа санал бодол, хүсэл эрмэлзлийг анхааралтай сонс, ярилц, ойлгохыг хичээ. Өөрийнхийгөө бүү тулга. Хүн бүр өөр үзэл бодолтой ч эвтэй байж болно гэдгийг сана. Чин сэтгэлээсээ ярилцах үед хүмүүс үзэл бодлоо өөрчлөх үе ч бий. Сонсож чаддаг хүн дэмжигч олонтой байдаг.
3. Share your jokes: Хошин шогийн мэдрэмжээ гарга. Хошигнож чадсан хүмүүс хурдан ойлголцож, нөхөрлөдөг. Энэ нь мөн ажлын уур амьсгалыг халуун дулаан болгож, бүтээлч байдлыг нэмэгдүүлдэг. Идэвхтэй, инновацилаг багийн нэг нууц энд бий.
4. Appreciate: Талархах, бахархах зүйлсийг сайн анзаар. Заримдаа болохгүй байгаа зүйлсээ анхаарч засч явах хооронд болж бүтэж байсан зүйлс нь услахаа мартсан цэцэг хагдардаг шиг үгүй болсон байх вий. Үргэлж сайн зүйлсээ ярь. Багийнхнаа чин сэтгэлээсээ магт, таларх. Анхаарч, талархаж чадсан зүйлс үржиж олширч байдаг.
5. Dream: Мөрөөдөлтэй бай. Таны ажил, амьдрал ямар сайхан байж болохыг төсөөлж, ургуулж, баяжуулж, төлөвлөж яв. Арагшаа харж гүйгээд түрүүлдэггүйтэй адил, болохгүй бүтэхгүй байгааг байнга ярьж, бодож явах нь сайн зүйлд хөтөлдөггүй. Тиймээс энгийн жижиг зүйл ч хамаагүй мөрөөдөж, төлөвлөж, хий.
6. Make mistakes: Алдах эрхтэй бай. Хамгийн сайн шийдлийг олох явцад олон арван удаа турших, алдаж онох хэрэг гардаг. Зөв болсон талуудыг нь авч үлдээд, сайжруулах хэсгээ зассаар нэг л өдөр нийцлээ олсон байх вий. Ийм үед алдаа бүрийн арын буруутныг олоход биш гүйцэтгэлээ сайжруулахад анхаарсан хамт олон л хожно.
7. Respect boundaries: Бусдын хил хязгаарыг хүндэлж, өөрийнхийгөө хамгаал. Хүн бүр тусгаар тогтносон улс юм. Хилийн дотор нь түүний нэр хүнд, хэн бэ гэдэг тодорхойлолт, үзэл бодол, амьдралын хэв маяг зэрэг багтаж байдаг. Харин бусдын өмнө хэлсэн үг, хийсэн үйлдэл нь хилийн гадна байна. Хилийн гаднах зүйлийнх нь талаар саналаа хэлж болох ч тэр хүний ямар хүн бэ гэдгийг дүгнэх эрхгүй. Өөрийн болон бусдын хилийг хүндэл, хамгаал.
8. Vision: Хамтын зорилгоо тодорхойл. Байгууллага гэдэг нэг зорилгын төлөө явж буй хамт олон юм. Хүн бүр тэр зорилгод чин сэтгэлээсээ нэгдсэн үед идэвхтэй, хурдтай ахиж чадна. Амжилтад хүрэх багт зорилгогүй хүний орон зай үгүй.
9. Give what you can: Өгөөмөр байх нь өөрт ирэх үүдийг нээдэг. Магтаал сайшаал, хэрэгтэй санаа, талархал, дэмжлэг, урмын үгс, чихэр жимс, хөгжилтэй яриа, хэдхэн хормын анхаарал халамж гээд хэрэгтэй хүндээ бол жижиг зүйлс ч жижигдэхгүй.
10. Self management: Эрүүл мэнд, сэтгэл хөдлөл, харилцаа холбоондоо анхаар. Бие сэтгэл эрүүл өөдрөг үед ажил, хамт олны харилцаа ч таатай сайн байна. Хүнтэй харилцахдаа 5 тохиолдол тутмын 4-ийг нь эерэг байлгаж чадвал тэр хүн та хоёрын харилцаа сайн байна гэдэг дүрмийг санаарай.

Эдгээр 10 зарчмыг 30, 60, 90 хоног хэрэгжүүлээд, гарсан үр дүнгээ бидэнтэй хуваалцаарай.

Бууж өгөөд ажлаа солих шиг амархан зүйл үгүй. Гэхдээ эхлээд өөрөөсөө шалтгаалах бүхнийг хийгээрэй. Амжилт хүсье! Нито үргэлж хамт шүү!

Ковид-19 цар тахалтай холбоотой хөл хорио нь ихэнх хүнд анх удаа зайнаас ажиллах шаардлагыг бий болгосон. Технологийн хөгжил, хөдөлмөрийн зах зээлийн хэтийн чиг хандлагаас харахад хүмүүс цаашид ч гэрээсээ ажиллах боломжтой байж, ирээдүйд энэ хэвийн үзэгдэл болох нь тодорхой байна. Тиймээс Nito нь Та бүхэндээ зайнаас ажиллах багаа хэрхэн үр дүнтэй удирдах талаар цуврал мэдээлэл хүргэж байна.

Байгууллагын удирдлага, менежерүүд энэ цаг үед ажилтнууддаа тулгарч буй хувь хүний, хамт олны, технологийн гэх мэт олон асуудлыг анзаарч ойлгох хэрэгцээ эн тэргүүнд үүсч байна. Багийнхаа гишүүн бүрийг сайтар сонсож, нөхцөл байдлыг нь мэдэж авсанаар үр бүтээлтэй ажиллахад нь саад болж буй бодит бэрхшээлийг ойлгох, хамтдаа шийдэх боломж бүрдэнэ. McKinsey Global Institute-ийн судалгаанаас харахад дараах бэрхшээлүүд хамгийн түгээмэл байна.

Тиймээс багийнханыгаа үр бүтээлтэй ажиллахад дэмжин туслах дараах алхамуудыг хэрэгжүүлээрэй.

Зайнаас үр дүнтэй ажиллахад хөдөлмөрийн уян хатан нөхцөл боломж, хүнлэг менежментээс гадна технологийн шийдэл шийдвэрлэх нөлөө үзүүлнэ. Цахим орчинд ажил хөнгөвчлөх маш олон төрлийн програм бэлэн байдгаас та ажлынхаа онцлог, програмын зориулалтыг харьцуулж, хамгийн тохиромжтойг сонгон авах боломжтой.

Эдгээрээс гадна өөр олон сайн технологийн шийдэл байдаг ба тодорхой төсөл, үйл ажиллагаан дээр баг болж хамтран ажиллахыг маш амар хялбар болгож, мэдээллийн ил тод байдал, гишүүдийн уялдаа холбоог хангаж өгдөг. Тохирсон технологийг сонгож тууштай ашиглаж сурах нь баг дотроо тогтмол харилцаа холбоотой байж, цаг үеийн асуудлыг тухай бүр хэлэлцэх, шийдвэр гаргах, төлөвлөх, үр дүнгээ хянахад гол үүрэг гүйцэтгэнэ.

Шилжилтийн эхэн үед ямар ч сайн ажилтан, багийн бүтээмж нь буурдаг тул багтаа ч, өөртөө ч дасан зохицож, шинэ зохион байгуулалт эмх цэгцэд орох цаг хугацааг өгөөрэй.

Ажлын байр, хамт олноосоо бие хол ч, сэтгэл ойр байж, урам зоригтой, амжилт бүтээлтэй байхыг та бүхэндээ хүсье.

А. Энхжин өмнө нь дижитал контент нийтлэгч MPlus апп, санхүүгийн технологийн LendMN апп, дижитал экосистемийн SuperUp апп-ыг зах зээлд гаргасан багуудад ажиллаж байсан туршлагатай бөгөөд Nito апп түүний оролцож буй 4 дэхь технологийн шийдэл юм. Түүний ярьсаныг дор сийрүүллээ.

“Монголын хөдөлмөрийн зах зээл дээрх, ялангуяа технологийн салбарт, хамгийн чадварлаг, туршлагатай инженер, менежер, мэргэжилтнүүд гадагшаа гарч олон улсын компаниудад ажиллахын хэрээр дотоодод тэдний орон зай хоосорч, үлдэж буй хүмүүсийн төлөөх өрсөлдөөн ширүүсч байгааг бид хэдэн жилийн өмнөөс олж харсан. Энэ бэрхшээл бусад салбарын компаниудад ч удахгүй тулгарах болно. Бидний хувьд энэ бол яаралтай шийдэх ёстой асуудал юм.

Хүмүүс Нито апп-д ажлынхаа мэйлээр бүртгүүлж, нэрээ нууцалсан байдлаар одоогийн болон өмнө ажиллаж байсан 2 хүртэлх байгууллагын соёл, менежмент, цалин хангамж зэрэгт үнэлгээ өгч, хоорондоо туршлагаа хуваалцах боломжтой болсоноор хөдөлмөрийн зах зээл дээрх мэдээллийн ил тод байдал нэмэгдэх юм.

Компаниудын ажлын орчны талаарх үнэн зөв мэдээллийг баталгаатай эх үүсвэрээс цуглуулсанаар чадварлаг туршлагатай мэргэжилтнүүд төдийгүй оюутан залуучууд ажил мэргэжлийн холбогдолтой чухал шийдвэрээ оновчтой гаргах, өөрт тохирсон, дуртай ажлаа сонгох нөхцөл бүрдэнэ.

Нөгөө талаар ажил олгогч байгууллагууд тэрхүү улирал тутмын үнэлгээ, апп дээрх тогтмол судалгааны дүнд тулгуурлан байгууллагынхаа соёл менежмент, хүний нөөцийн бодлогыг сайжруулах, ажилтнуудтайгаа холбоотой чухал шийдвэрийг цаг алдалгүй гаргах бодит боломж бий болно. Ингэснээр хөдөлмөрийн зах зээл дээр өрсөлдөх чадвар нэмэгдэнэ.

Бид Nito апп-аа Монголд сар гаруйн өмнө албан ёсоор зах зээлд нэвтрүүлсэн. Одоо Япон, Сингапурт турших ажлыг эхлүүлээд байна.”

Цаг уурын өөрчлөлт, технологийн дэвшил, аж үйлдвэрийн 4 дүгээр хувьсгал, цар тахлын нөлөөн дор хүний амьдрал төдийгүй хүй дэлхий тэр аяараа хувьсан өөрчлөгдөж байна.

Улс орон, байгууллага, хүмүүс бүгд хөгжил дэвшил, ажил амьдралын утга учир, үнэт зүйлс, хэмжүүрийг шинээр эрэлхийлэх, олох эрэлд гарлаа. Үүнийг дагаад ажил хөдөлмөр эрхлэлтийн тухай ойлголт ч өөрчлөгдөж байна.

Хүн бүр ажиллах байгууллага, ажлын байрандаа тохирсон чадвар, хандлага, туршлага эзэмшиж чадаж байна уу гэдэг асуултаас гадна байгууллага, ажлын байр нь хүндээ ээлтэй, амьдралд нь үнэ цэнэтэй, зорилгод нь хүч нэмж байна уу гэдэг асуулт чухлаар тавигдаж байна.

Энэ бол хөдөлмөрийн харилцаан дахь ажил олгогч, ажилтан хоорондын эрх мэдлийн тэнцвэргүй байдлыг эргүүлэх асуудал юм. Энэ бол ажлын байрыг аз жаргалтай болгох шив шинэ шийдлийг хамтдаа эрэлхийлэх алтан боломж юм.

Үүнийг бид өөрсдөө л хийнэ. Үүнийг бид сэтгэл, оюун, төсөөллийн хэт цахиж, технологи, инновацийн галыг асааж хийнэ. Үүнийг бүгдээрээ Nito -той хамт хийнэ. Биднийг дагаарай. Nito-гийн гэр бүлд нэгдээрэй: https://nito.one/r.html

#disruptors #impactstartup #techstartup #hrtech #techforgood #innovateordie #innovatetoelevate

Технологийн хөгжил амьдралын бүх л талбарыг хурдтай өөрчилж байна. Энэ өөрчлөлт хүний нөөцийн салбарыг ч тойрсонгүй. Google компанийн инженер Б.Баттулга тэргүүтэй Япон, Сингапур, АНУ-д ажиллаж буй манай шилмэл хөгжүүлэгчид хүний нөөцийн салбарын мэдээ, мэдээллийг эмхлэн зохион байгуулах, залуу мэргэжилтнүүдийн карьерын өсөлтийг технологийн тусламжтайгаар дэмжих зорилготой сошиал платформ хөгжүүлж эхэлсэн нь Nito юм. Nito Монгол, Япон, Сингапур гэсэн гурван улсад эхний ээлжид нээлтээ хийж байгаа бөгөөд цаашид Азийн бусад улс орнуудын зах зээлд нэвтрэхээр зорьж байгаа аж.

Ажил эрхлэгчид ялангуяа залуу мэргэжилтнүүдийн хувьд Монголын ажил олгогч нарын ажилтнууддаа олгодог боломж, цалин хөлс, ажиллах орчны талаар мэдээлэл хангалтгүй байдаг. Энэ нь карьертай холбоотой шийдвэр гаргах ирээдүйн карьераа төлөвлөхөд нь саад болдог. Тэгвэл ажил эрхлэгчид ажлын и-мэйл хаягаараа бүртгүүлэн Nito-д нэвтэрч, өөрийн ажиллаж буй компаниа таван шалгуураар үнэлж, санал сэтгэгдлээ чөлөөтэй илэрхийлэх боломжтой. Таны өгсөн үнэлгээ, бичсэн сэтгэгдэл тань шиг залууст мэдээлэл өгөхөөс гадна танай албан байгууллагын соёл, засаглалыг сайжруулахад чухал хувь нэмэртэй байх болно. Одоогоор Nito аппаас гурван зуу гаруй компанийн үнэлгээг харах боломжтой байна. Цаашид Nito Монголын хөдөлмөрийн зах зээл дэх ажил мэргэжлүүдийн дундаж цалин хөлсний хэмжээг мэдээллийн сандаа оруулах юм.

Та Nito-г эндээс татаж аваарай.

(Энэхүү нийтлэл анх 2020 оны 10 дугаар сарын 19-нд Ikon.mn сайтад нийтлэгдсэн болно: https://ikon.mn/n/20ja?fbclid=IwAR2YukvM2g-ZpJQZBN2iZZBuCCYyvbg6aHg_r0D2ifsvsqQ7sgrJaX2d5S0)

Монгол орны жинхэнэ үнэт эрдэнэс бол хүн нь юм. Чадварлаг хүний нөөцөө гадагшаа алдахгүй, хэрхэн тогтвор суурьшилтай ажиллуулах вэ гэдэг компаниудын төдийгүй улс орны хувьд нэн чухал асуудал.

Хуучны биш 21 дүгээр зууны соёл менежменттэй байгууллагад хүмүүс асуудлыг тойрч биш шууд, нууж биш ил гаргаж, нээлттэй ярилцаж хамтдаа шийддэг. Удирдлагууд нь ч бодит байдлыг ойлгохыг, ажилтнуудтайгаа ижил тэгш харилцахыг, хүнд нь биш хөндсөн асуудалд нь төвлөрч шийдэл гаргахыг эрхэмлэдэг. Тэнд чадварлаг хүмүүс тогтдог.

Улс үндэстнийхээ баялаг нь болсон залуучууд та бүхэн Nito апп-ыг татаж аваад, компаниудын соёл менежментэд өгөгдсөн үнэлгээг үзэх, өөрийнхөө компанийг үнэлэх, салбарын мэргэжилтнүүдтэй мэдээлэл солилцох, асуудал, боломжийн талаар нээлттэй ярилцах боломж нээгдэж байна.

Хөдөлмөрийн зах зээлийн мэдээллийг ил тод болгох, ажлын талбарт тулгамдаж буй олон асуудлыг шийдэхээр гарч ирж буй Nito-гийн гэр бүлд нэгдэх холбоос: nito.one/r.html

Nito is an impact startup currently operating in Singapore, Japan and Mongolia, developing and introducing technological innovation in the field of human resources.

Our mission is to help professionals achieve happiness and well-being at work by facilitating a radical shift in the way companies approach human resources, from resources to be managed, towards a reclaiming of their values as human beings, and as powerful co-creators of their companies and businesses.

Nito derives from the word “IncogNITO”, which is about having one’s identity concealed and secure. The Nito app allows you to anonymously express your viewpoints on issues related to wellbeing at work, and discuss them in an objective manner to seek and arrive at solutions that are beneficial for all.

By downloading our app, you will also be able to:

• Review and rate your company’s culture, governance, compensation;
• Connect and network with verified professionals from various industries;
• Compare and contrast different companies and the opportunities they provide to make better informed career decisions;
• Join a community that is at the center of a social movement for a happier and more humane workplace;
• and much much more.

Follow us for more innovation and opportunities in the world of work.

Don’t forget to download the Nito app at https://play.google.com/store/apps/details?id=com.nitotech.nitotok&hl=en&gl=US