[制裁係乜柒？ What 7 is Sanction?]

做嗰行，厭嗰行，你明、我明。

所以當新聞舖天蓋地咁講，乜撚嘢制截，乜撚嘢黑名單，我真係好想講，畀我抖下好唔好？

制裁，英文叫 “Sanction” 。以前大家聽得多嘅，係北韓、伊朗、蘇丹、索馬里呢啲國家被制裁。我唔係沈旭暉，唔識國際政治，唔知點解呢啲國家會畀聯合國或者某啲西方國家制裁。總之唔 likey 就「制裁」你啦，同小學雞講「絕交」差唔多，差在多咗少少藉口，例如話恐怖主義活動、核武、販毒、洗黑錢或者種族清洗，之類。

I don’t fucking care. 我淨係知道，屌，我返工要對住條 Sanctioned List ，睇下有冇客人榜上有名。冇嘅猶自可，有嘅，做嘢囉。份糧包嘅。

作為一個金融從業員，見樹不見林，其實真係非常之合理。公司梗係有畀本 Policy 你，同你講 HKMA 同 SFC 點樣樣要求機構做嘢，確保金融機構唔會被不法份子用嚟洗黑錢啦。咁嗰本死人 AML Policy ，通常都搭單包括埋 Sanctioned Policy 嘅。但好簡單講，就係唔好同被制裁嘅國家、企業及個人有任何業務來往囉。