台灣有街口，香港讀者不如試下payme?

use Payme to pay me a coffee? ;)

利申：忽發奇想，又隨口講下架姐，絕無（亦無能力）賣廣告成分，亦無杯葛非港人既意欲，如有錯漏請指教。Payme背景、使用詳情、FPS比較之類既知識+就請移玉步到 華田 Watin。

喺Medium使用討論中，最熱門嘅永遠係關於錢嘅話題。Medium paywall令收費寫作嘅門檻低左好多（無話係唔好）。我作為一個寂寂無名嘅小蕃薯，寫文有錢收就即刻lur飯應，點都試試水溫先啦，反正你pay唔pay，我都會write。

但同時，因為呢個寫作平台唔容許其他收費模式共存於paywall內，大家發文時經常輪迴於文章收費/view/exposure/cash/crypto/幾時收到錢等等嘅掙扎之中。

雖然某些台灣作家嘅Medium文章係免費，但大家都會見到文末有街口支付嘅QR code、有Like button、又或者係請作者飲咖啡嘅banner。當時我都有下載街口支付，但我發現呢個應用程式只適用於台灣的銀行戶口持有人，就不得不放棄了。如果唔想他鄉遇故支或者每次收錢都唸起Ali嘅話，香港作者似乎無咩選擇了。

最近（八月尾，其實都唔太近）Payme有新功能，容許用戶直接以PayCode收錢，而無需先儲存對方電話號碼（無實際用過，求指正），減低付款門檻。這樣一來，我地終於趕上了祖國嘅先進！Payme終於有QR code呢個前衛嘅發明！

其實講咁多，都係想放個PayCode喺度試下反應姐:0)或者大家都可以將個code放喺自己既免費文章度，產生香港小額支付作者嘅生態圈？

唔想送錢俾我，送claps俾我都可以～樓下有like button謝謝大家～