在Medium的2018

一年過去，大家仍健在嗎？還會延續你的年度membership嗎？

十二月有好多事想講，但自己最近好似詞窮，組織唔到完整既文章，所以靜左一排。玩左Medium一年都未棄game，既然到年尾，不如就跟大隊回顧一下，今年數字妹有啲咩變化。

啲咖啡係自己飲架！唔係unsplash搵架！

作為業餘blogger，放喺寫作既時間唔多，全年出左15篇文，大約每月一篇。或者我有first-mover advantage，就算曝光率咁低都仍然有穩定clap數，多謝大家。數據嘢唔提喇，大家睇返《收費觀察》啦。

關於自己

• 第一次寫文有錢收，係開心既。以前寫文比自己睇，無唸過有人會支持之餘，仲會用行動同金錢證明，嘗試建立寫作/閱讀生態圈。但我同時都要提住自己唔好比呢啲名利沖昏頭腦，扭曲自己本來寫文既初衷。
• 開左好多條戰線寫唔同主題，但無邊條可以埋到尾，好似愛的故事（上集）咁（好彩racketlon tour無開遊記…）
• 繼續一邊睇文一邊找錯字，甚至將呢個興趣化成freelance job，多謝 史兄令呢件事成真。（歡迎其他人請我做校對～）
• Post舊文既反應係奇低，明明你地就無睇過我以前啲page…
• 喺呢度認識左幾位從online to offline（O2O）既朋友 陳零 Grace Chan H Fung Frau Winnie於世界各地見面，係繼當年「洗讚小鴨鴨」之後又一成就。
• 參加左兩個publication，一個講咖啡、一個講語言學習，我會出文架唔好踢我走～

關於這裡

• 一年過去，成個網既功能都係無咩大改變/改善，不過寫作收入（相對於membership fee）的確係唔少。可能同股票一樣，retained earnings就係growth factor，派越多錢出黎做profit sharing就越少retained earnings繼續發展唔同網站同mobile app功能。呢樣嘢，一直叫華文用戶對Medium又愛又恨。
• 寫Medium觀察、關於寫作收入既嘢永遠都係最收得。可能係大家鍾意估佢神秘莫測既algorithm；可能見到有錢賺就雙眼發光；又可能一直有新既朋友加入，想睇左評論再考慮值唔值得長期駐守呢度。

來年繼續有幾個期望：

• 成立關於文具既publication，同志同道合既朋友多啲分享不同文具既使用心得。但我懶，所以未plan好要點定位。
• 出文出多啲同定時啲（講住先），將兩年前既Costa Rica Trip埋尾、寫文具、寫台灣旅遊。

寫完先發現有好多business term放左落去，如果用錯請不吝賜教。