在深水埗的馬路上行走

Raymond LI
Apr 9, 2018 · 5 min read

採訪員︰ Raymond Li and Ariel
訪問日期:2018年4月7日
時間: 上午10時
地點: 深水埗基隆街一帶
核實日期︰2018年4月10日

“Hi 婆婆, 著唔著夠衫呀?”

DoDo 見到街坊時親切的問候, 令我感到一絲絲的暖意。

她是一個家庭主婦, 有一個正在讀中學的兒子, 在深水埗住了十幾年。原本她是在家附近的快餐店做收銀員, 但因為患了肩周炎, 隻手舉起會痛, 而且之前找她去做的相熟經理又已離職, 所以就無做了, 現在主要照顧兒子及做下義工。DoDo 自己就想做多點運動, 但去公園有好多新移民好霸道, 投訴佢地嘈反而會被鬧返轉頭, 所以她無去了。她形容公園為「很複雜」。佢想踩單車但又唔知附近有咩地方可以踩下, 所以現在都沒有做甚麼運動。她自己平時都會爭取行多點路, 例如陪兒子行十多二十分鐘返學, 或者是經通州街公園行到大角咀。

我們和DoDo 在她家樓下的商場一齊食個早餐, 再由她帶我們在附近行下。(本來她也叫兒子一齊來, 但星期六的早上, 年青人當然想睡多一點 :D) 我們先由麗閣商場行去西九龍中心, 中途經過屋邨的公園。她很喜歡這環境, 因為道路寬闊, 有樹蔭, 空氣好, 又有點運動設施, 可以舒展一下。沿途她輕易就撞到相熟的長者街坊, 她都會主動行埋去傾下計, 關心一下佢地。因為DoDo 之前有做義工 (如在社協), 都有參加探訪長者/露宿者的活動, 所以也認識了唔少街坊。

Image for post
Image for post
Image for post
人車爭路是常見

去到西九龍中心, 這裏是DoDo 送完兒子回學校後過來吃早餐的地方。在這裏, 她常常遇到認識的街坊, 大家唔使約定, 差唔多時間就會出現, 大家可以一齊食下野, 傾下計。穿過商場, 再過天橋, 我地就真正行到第一條街: 基隆街。一行到去我地就見到小販在行人路上擺地攤。DoDo 見到就認為地攤阻礙了行人行路, 令到條街好混亂, 佢就會好自然地行出馬路行, 因為行得舒服一點, 行人路已迫滿人了。

一路行我地都是走在馬路上, 間唔中會有車慢慢在身旁駛過, 大家都要互相避一下。沿路都有一些排檔在賣衫, 行人一路在馬路看, 一路就要看下有冇車經過。人車爭路的情況在這兒很普遍, 雖然有些馬路部份時間會劃為行人專用區, 但好多街坊也唔知幾時係, 亦唔會理會。DoDo 得閒嘅時候喜歡買點布料車下袋仔放上網賣, 所以佢就帶我地去左附近賣布既店舖。佢成日行呢一帶, 邊間舖平邊間舖有邊種布料她也瞭如指掌。有些店舖會放一些貨物在行人路, DoDo 認為咁樣唔係咁好, 阻住了行人。呢一帶都是舊樓區, 行人路較窄, 馬路上泊滿車, 或者是放滿排檔賣嘢, 中途冇任何樹蔭及坐椅, 走在街上的行人要左穿右插, 有點危險。

Image for post
Image for post
自由的過馬路方法

沿著基隆街行到南昌街交界, 呢個位冇過路設施, 來往車輛的車速較快, 我地行過時都要睇清楚冇車才可過馬路。我地行回桂林街, 去到桂林街同汝州街交界, 十子路口旁雖然有行人過路燈, 但大部份人都走在馬路上, 直接過馬路而唔行過路燈的。

我地行到北河街街巿旁, 呢度有好多貨車上落貨, 地下都整到好濕好污漕, 呢度好多人, 好多時都行唔到, 亦好易其他人相撞。DoDo 有一次被人撞到, 竟然被人話返轉頭, 令佢感到好差。佢認為最大問題是行人,(尤其新移民)「好無禮貌,撞到人都唔會講對唔住」,此舉令她不滿。

“行到攰, 唔會坐在街上的椅子”

我地問DoDo 行到攰她會在附近坐下嗎? 她話佢唔會, 因為街上的椅子都是些長者, 菲傭, 精神病等人坐的, 她攰的話會去電訊商舖頭坐下, 或者去社協會址和其他街坊傾下計。

經桂林街行到鴨寮街附近, 呢度好多人來買嘢。有些人擺地攤賣錢幣, 賣舊電器, 來看的主要是外區人。DoDo 說她就興趣不大, 她通常好快買完需要買的物品就會離開, 好少會留好耐慢慢揀。

對於要點改善條街, DoDo 認為唔需要加太多嘢, 只係要少啲人, 少啲車, 唔好咁迫, 大家自然可以行得舒服一點。

Image for post
路線:由麗閣邨出發->麗安邨-> 西九龍中心-> 基隆街 -> 南昌街休憩處->基隆街->大南街->桂林街->福華街->北河街

HealthyStreetLab@ShamShuiPo

今年三月至七月,我們成立一隊由市民和運輸署工程師組成的實驗室團隊,在深水埗進行一系列社區探索,了解街坊的道路使用習慣和對…

Raymond LI

Written by

HealthyStreetLab@ShamShuiPo

今年三月至七月,我們成立一隊由市民和運輸署工程師組成的實驗室團隊,在深水埗進行一系列社區探索,了解街坊的道路使用習慣和對易行街區的想像。期望通過公眾參與及創新街頭實驗,提出以行人為本的道路設計及規劃建議,務求令市民享受在街上行多幾步!The Healthy Street Lab is assembling a lab team of citizens and engineers from the Transport Department to create walkability experiments in Sham Shui Po.

Raymond LI

Written by

HealthyStreetLab@ShamShuiPo

今年三月至七月,我們成立一隊由市民和運輸署工程師組成的實驗室團隊,在深水埗進行一系列社區探索,了解街坊的道路使用習慣和對易行街區的想像。期望通過公眾參與及創新街頭實驗,提出以行人為本的道路設計及規劃建議,務求令市民享受在街上行多幾步!The Healthy Street Lab is assembling a lab team of citizens and engineers from the Transport Department to create walkability experiments in Sham Shui Po.

Medium is an open platform where 170 million readers come to find insightful and dynamic thinking. Here, expert and undiscovered voices alike dive into the heart of any topic and bring new ideas to the surface. Learn more

Follow the writers, publications, and topics that matter to you, and you’ll see them on your homepage and in your inbox. Explore

If you have a story to tell, knowledge to share, or a perspective to offer — welcome home. It’s easy and free to post your thinking on any topic. Write on Medium

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store