Vilt þú starfa með frumkvöðlum?
Við leitum að öflugum einstaklingi með brennandi áhuga og þekkingu á starfsemi sprotafyrirtækja í starf verkefnastjóra. Viðkomandi mun vinna náið með frumkvöðlum að þróun viðskiptahugmynda þeirra og bera ábyrgð á verkefnum sem styðja við stofnun og vöxt sprotafyrirtækja.
Helstu verkefni:
- Ráðgjöf og stuðningur við frumkvöðla og sprotafyrirtæki
- Umsjón með verkefnum á borð við keppnir og viðskiptahraðla
- Umbætur og þróun verkefna
- Samskipti við bakhjarla og aðra samstarfsaðila
- Mælingar á árangri
Viðkomandi vinnur náið með öðrum starfsmönnum að því að byggja upp umhverfi frumkvöðla og sprotafyrirtækja. Við bjóðum upp á einstakt starfsumhverfi, áhugaverð og krefjandi verkefni, fögnum nýjum hugmyndum og veitum tækifæri til þess að efla tengslanetið, bæði hér heima og erlendis.
Hæfniskröfur:
- Háskólapróf sem nýtist í starfi
- Þekking og áhugi á nýsköpun og frumkvöðlastarfi mikilvægur
- Framúrskarandi skipulags- og samskiptafærni
- Reynsla af stjórnun verkefna
- Góð þekking og reynsla á sviði sölu og markaðsmála
- Frumkvæði í starfi og sjálfstæð vinnubrögð
- Gott vald á íslensku og ensku í ræðu og riti
- Hæfni til að halda á mörgum boltum á lofti í einu
Megin hlutverk Icelandic Startups er að hraða ferlinu við stofnun nýrra fyrirtækja og tengja frumkvöðla og sprotafyrirtæki við reynda frumkvöðla, sérfræðinga, fjárfestaumhverfið og leiðandi sprotasamfélög erlendis.
Á meðal helstu verkefna félagsins er frumkvöðlakeppnin Gulleggið og viðskiptahraðlar á borð við Startup Reykjavik.
Viðkomandi þarf að geta hafið störf eigi síðar en 1. júní 2018.
Umsóknir ásamt ferilskrá berist til framkvæmdastjóra Icelandic Startups á netfangið salome@icelandicstartups.is fyrir lok dags sunnudaginn 15. apríl n.k.
